फक्सवागनको अव आफ्नै व्याट्री प्लान्ट, व्याट्रीको विकासमा मात्रै २० अर्व यूरो लागनी गर्ने घोषणा

जर्मन अटो निर्माता फक्सवागनले हिँजो जर्मनी सहित युरोपका ६ स्थानमा आफ्नै व्याट्री प्लान्ट लगाउने घोषणा गरेको छ । सन् २०३० भित्रमा यी सवै प्लान्ट संचालनमा आइसक्ने र यसका लागी २० अर्व युरो लगानी गर्ने समेत उसको भनाई छ ।

पहिलो चरण अन्तर्गत कम्पनीले जर्मनीको साल्जगिटर सहरमा अवस्थित प्लान्टबाट उत्पादन सुरुवात गर्ने जनाइएको छ । यो प्लान्टबाट यसअघि कम्वस्चन इन्जिन उत्पादन हुँदै आएको थियो । जहाँबाट सन् २०२५ देखी व्याट्री उत्पादन शुरु हुने उसको भनाई छ । यो प्लान्ट पूर्ण क्षमतामा संचालन हुँदा वार्षिक ५ लाख कारका लागी आवश्यक पर्ने ४० गिगावट आवर व्याट्री उत्पादन हुनेछ ।

फक्सवागनले अमेरिकन अटो निर्माता टेस्ला र चाइनिज अटो निर्माता विवाइडीसंग प्रतिस्पर्धा गर्दै ३ वर्षभित्र इभी उत्पादनमा उछाल ल्याउने यसअघि नै उद्घोष गरिसकेको छ । जसका लागी उसलाई व्याट्रीको आपूर्ती एकदमै महत्वपूर्ण रहेको थियो ।
दुई ठूला इभी निर्माता टेस्लाले सिएटिएलसंग संझौता गरी व्याट्री आपूर्ती गर्दै आइरहेको छ भने विवाइडीले आफैले विकास गरेको व्लेड व्याट्रि प्रयोग गरिरहेको छ ।

जसका कारण यी दुई ब्रान्डलाई संकटको समयमा समेत व्याट्री आपूर्तीमा समस्या देखिएको थिएन । उता फक्सवागनलाई भने विभिन्न समयमा व्याट्रीको समसयका कारण उत्पादन नै कटौती गर्नु परेको थियो । हाल यो कम्पनीले सिएटिएल र सामसुङसंग व्याट्रीको आपूर्ती गर्न सम्झौता गरेको छ ।