नयाँ कलर अप्सनमा आयो टाइगुनको एनिभर्सरी एडिसन

फक्सवागनले आफ्नो लोकप्रिय एसयूभी टाइगुनमा नयाँ कलर अप्सन दिएकोे छ । टाइगुनको एनिभर्सरी एडिसनमा कम्पनीले राइजिङ व्लु कलर दिएको हो । यो नयाँ कलर अप्सन टाइगुनको सवै भेरियन्टमा उपलब्ध गराइएको मिडिया रिपोर्टमा उल्लेख गरिएको छ ।

यसअघि यो एसयूभी हाल खैरो, रातो, पहेंलो, सिल्भर र सेतो कलरमा उपलब्ध रहँदै आएको थियो । नयाँ कलर अप्सनसंगै कम्पनीले अर्कोवर्ष यसमा इलेक्ट्रि सिट एड्जस्टमेन्ट र फुटवेल इलुमिनेसन फिचर समेत थप गर्ने तयारी गरिरहेको छ ।

नेपाली बजारमा समेत कारोबार हुँदै आइरहेकोे यो एसयूभी १.० लिटर र १.५ लिटर टर्वो चार्जड पेट्रोल इन्जिनमा उपलब्ध छ । जसको पावर र टर्क क्रमश ११३ एचपी तथा १४८ एचपी र १७८ एनएम तथा २५० एनएम रहेको छ ।

यो एसयूभी ६ स्पिड म्यानुअल, ६ स्पिड अटोमेटिक र ७ स्पिड डुअल क्लच अटोमेटिक ट्रान्समिसनमा उपलबध छ ।