६.९९ प्रतिशत ब्याजदरमै फक्सवागन टाइगुन, ५ वर्षसम्म ब्याजदर परिवर्तन नहुने

काठमाडौं– फक्सवागन गाडीको नेपालका लागि आधिकारिक वितरक पुजा इन्टरनेश्नल नेपालले टाईगुन एसयूभी लक्षित नयाँ स्किम ल्याएको छ । ‘फक्सवागन सिज्लिङ समर डिल’ नामले आएको उक्त अफर अन्तर्गत ग्राहकले टाइगुन
एसयूभीलाई ५ वर्षसम्म एउटै दर कायम हुने ब्याजमा खरिद गर्न सक्नेछन् ।

यसरी गाडी खरिद गर्दा जम्मा ६.९९ प्रतिशत ब्याजदर लाग्ने कम्पनीले जनाएको छ । यसैगरी, एक वर्षको रोड ट्याक्स, ४ वर्षको निशुल्क सर्भिस र ५ लाखसम्म एक्सचेन्ज वोनस पाउन सकिनेछ । टाइगुन वेस भेरिएन्टको मूल्य ५४ लाख ९० हजार र टप भेरिएन्टको ७९ लाख ५० हजार पर्छ ।

यो मिड साइज कम्प्याक्ट एसयूभीमा ९९९ सीसीको टर्बो–चार्ज्ड स्ट्राटिफाइड इन्जेक्सन (टीएसआई) इन्जिन जडान गरिएको छ । जसले क्लासमै सबैभन्दा धेरै ११५ पीएस पावर र १७८ एनएम टर्क जेनेरेट गर्छ ।

कारमा १० इन्चको इन्फोटेनमेन्ट सिस्टम, ठूलो ह्विलबेस, फुल डिजिटल क्लस्टर, फ्रन्ट भेन्टिलेटेड सिट, हिल असिस्ट कन्ट्रोल, इलेक्ट्रिक मुनरुफ, ३८५ लिटरको बकेट टाइप बुट स्पेस र एलईडी टेललाइटल लगायत फिचर पाउन सकिन्छ । साथै कारमा ४० भन्दा धेरै प्रकारका सेफ्टि फिचर दिइएको छ ।