७०० किलोमिटर रेन्ज दिने फक्सवागन आईडी ७ सार्वजनिक

जर्मन अटो निर्माता फक्सवागले नयाँ इलेक्ट्रिक कार आडी७ लाई सार्वजनिक गरेको छ । सिंगल चार्जमा ७०० किलोमिटर रेन्ज दिने दावी गरिएको सो कारले टेस्ला मोडल ३ संग प्रतिस्पर्धा गर्ने जनाइएको छ । आईडी ७ लाई कम्पनीले यसै वर्षको अन्तिममा यूरोपेली बजारमा बिक्री शुरु गर्ने योजना बनाएको छ ।

सो नयाँ कारलाई फक्सवागनले प्रो र प्रो एस गरी दुई वटा भेरिएन्टमा सार्वजनिक गरेको हो । जसमध्ये प्रोमा ८२ र प्रो एसमा ७७ किलोवाट आवरको व्याट्री प्याक जडान गरिएको छ । कारको रेन्ज क्रमश ७०० र ६१५ किलोमिटर दावी गरिएको हो । यसले २०० किलोवाट र १७० किलोवाटको डिसी फास्ट चार्जर सपोर्ट गर्ने सामाथ्र्य राख्छ ।

५ मीटर लम्वाई भएको आइडी ७ को ह्विल वेस ३ मिटर हाराहारी रहेको छ । जुन पासाट भन्दा केही ठूलो हो । सो नयाँ कारको इन्टेरियरमा १५ इन्चको टचस्क्रिन इन्फोटेन्मेन्ट सिस्टम, हेड अप डिस्प्ले र फक्सवागनको एमआईवी सफ्टवेयर सहित अन्य प्रशस्तै फिचर पाउन सकिन्छ । यसमा पानारोमिक सनरुफ समेत दिइएको छ ।