वार्षिक ५ लाख कार निर्माण गर्न फक्सवागनको भारतमा ‘पीक ईभी’ परियोजना

फक्सवागन समूहले भारतमा आफ्नो विद्युतीय गाडीको प्लेटफर्म र पावरट्रेनलाई स्थानीयकरण गर्ने काम सुरु गरेको बताएको छ । नयाँ ‘बोर्न ईभी’ प्लेटफर्मलाई ‘पीक इभी’ कोडनेम प्रोजेक्ट अन्तर्गत विकास गर्न लागिएको हो ।

मिडिया रिपोर्टका अनुसार फक्सवागनले ‘एमईबी२१जी’ प्लेटफर्म भारतमा ल्याउने योजना बनाएको छ । सो नयाँ प्लेटफर्मलाई कम लागतमा ल्याउन उसले धेरै विषयमा स्थानियकरण गर्न लागेको हो । कम्पनीको चाकन प्लान्टमा उत्पादन हुने धेरै एसयूभीलाई ईभी भर्सनमा ल्याउने कम्पनीको भनाई छ ।

नयाँ प्लेटफर्ममा आधारित पहिलो मोडेल फक्सवागनको ब्रान्डेड इलेक्ट्रिक एसयूभी हुने र यो २०२६ आसपासमा डेब्यू हुने अपेक्षा गरिएको छ।

पीक ईभी परियोजनाको लागि एक बिलियन यूरो लगानी गर्न लागिएको फक्सवागनले जनाएको छ । कम्पनीले घरेलु र निर्यात बजारका लागि वार्षिक ५ लाख युनिट कार निर्माण गर्ने लक्ष्य राखेको छ ।