इन्ट्री लेभल ईभीमा फक्सवागनको प्रवेश

फक्सवागनले विश्वव्यापी स्तरमा आफ्नो पहिलो इलेक्ट्रिक कार आइडी.एभ्रिवान पेश गरेको छ । सो एसयूभी कम्पनीको पहिलो इलेक्ट्रिक हुनुका साथै इन्ट्री लेवल कार पनि हो । सो कार हाल युरोपेली बजारको लागि ल्याइएको छ । यसलाई सन् २०२७ सम्ममा लन्च गर्ने सम्भावना छ ।

यसको डिजाइन शार्प बडी लाइनको भन्दा धेरै गोलाकार देखिन्छ । यसको लम्बाइ ३८८० एमएम र बुट स्पेस ३०५ लिटर छ । यसमा कालो रङको प्यानलमा आयातकार एलईडी लाइटिङले सुसज्जित छ । यसको बम्पर स्माइलिङ लुक दिइएको छ । साथै यसमा भर्टिकल एलईडी लाइटिङ डिम्पल जस्तो देखिन्छ।

यसको सिल्हुट एकदमै सफा बनाइएको छ । आइडी.एभ्रिवानमा फ्लस टाइपको डोर ह्यान्डल, ब्ल्याक आउट ओआरभीएम र १९ इन्चको ड्युअल टोन अलोय ह्विल दिइएको छ । यसको रियरमा र्‍याप अराउन्ड टेल लाइट र सानो रुफ माउन्ट स्पोइलर लिप दिइएको छ ।

फक्सवागन आइडी.एभ्रिवान इलेक्ट्रिक कारको इन्टेरियर निकै फ्युचरिस्टिक देखिन्छ । यसको ड्यासबोर्डमा ठुलो स्क्रिन,  टु-स्पोक स्टेयरिङ ह्विल र ब्लुटुथ स्पिकरको साथमा फ्रन्ट सेन्टर आर्मरेस्ट प्रदान गरिएको छ । यसको क्याबिनमा ड्युअल टोन ब्ल्याक एन्ड ह्वाइट थिम दिइएको छ । यसमा इन्फोटेनमेन्टको लागि ठुलो टचस्क्रिन, फुल डिजिटल ड्राइभर डिस्प्ले, अटोमेटिक क्लाइमेट कन्ट्रोल, प्रिमियम अडियो सिस्टम र कनेक्टेड कार प्रविधि देख्न सकिन्छ ।

सो इलेक्ट्रिक कार नयाँ मोड्युलर एमईबी प्लेटफर्ममा आधारित हुनेछ । हालसम्म कम्पनीले यसको ब्याट्री प्याक र साइजको खुलासा गरेको छैन, तर यसको इलेक्ट्रिक मोटरले ९५ पीएसको पावर उत्पादन गर्ने र १३० किलोमिटर प्रतिघण्टाको अधिकतम गति दिने अपेक्षा गरिएको छ ।

यसको ब्याट्री प्याकले एक पटक चार्जमा कम्तीमा २५० किलोमिटरको रेन्ज दिने अनुमान गरिएको छ ।