फक्सवागनको इलेक्ट्रिक माइक्रोबस मार्च ९ मा सार्वजनिक हुने, ब्रान्डलाई माथि उठाउने अपेक्षा

फक्सवागनको इलेक्ट्रिक माइक्रोबस आगामी मार्च ९ मा सार्वजनिक गरिने भएको छ । अमेरिकी बजारमा सर्वप्रथम सार्वजनिक गरिने सो माइक्रोबस कम्पनीको सबैभन्दा चर्चित इलेक्ट्रिक कन्सेप्ट मध्ये एक हो ।

फक्सवागनका सीईओ हर्बर्ट डायसले एक ट्विटमार्फत यसको जानकारी दिएका छन् । फक्सवागनको चर्चित कार बिटललाई अहिले धेरैले सम्झिन्छन् । फक्सवागनको ब्रान्ड पहिचानमा यसले महत्वपूर्ण भूमिका खेलेको छ । फक्सवागनको यो माइक्रोबस लन्च पश्चात फेरि फक्सवागनको पहिचानलाई एक कदम माथि उठाउने अपेक्षा गरिएको छ ।

कम्पनीले विगत एक दशकमा नयाँ माइक्रोबसको प्रोटोटाइपहरूको श्रृंखला देखाएको छ, जसको कोडनेम बुड ई र बुल्ली नाम दिइएको छ । यद्यपि यसलाई कम्पनीले कहिल्यै पनि उत्पादन लाइनमा राखेन, तर तीन पक्ति आईडी बज कन्सेप्ट कारको वारेमा भने फक्सवागन जहिल्यै सकारात्मक भएको र प्रोडक्सन भर्सन ल्याउने अपेक्षा गरिएको थियो ।

फक्सवागन माइक्रोबस प्योर इलेक्ट्रिक पावरट्रेन र लेभल ४ सेल्फ–ड्राइभिङ टेक्नोलोजीका साथै कोर आइकोनिक डिजाइनसँग मिल्ने अन्य आधुनिक एलिमेन्ट्सको साथमा उपलब्ध हुनेछ ।

फक्सवागनले कारका तीन फरक भेरिएन्ट बनाउने बताएको छ । जसमध्ये एउटा व्यक्तिगत खरिदकर्ताहरूको लागि हुनेछ, अर्को राइड–हेलिङको लागि हुनेछ र तेस्रो कार्गो भेरिएन्टको लागि हुनेछ । फक्सवागनले थ्री–रो भर्सनको साथै टु–रो भर्सन पनि लन्च गर्ने बताएको छ ।