यस्तो हुनेछ फक्सवागनको पहिलो इलेक्ट्रिक कार आईडी.४, आगामी योजना समेत सार्वजनिक

फक्सवागनले भारतमा आफ्नो पहिलो इलेक्ट्रिक कार आईडी डट४ सार्वजनिक गरेको छ । कम्पनीले सो एसयूभी यो वर्षको अन्त्यसम्ममा लन्च गर्ने सम्भावना छ । कम्पनीले आफ्नो वार्षिक पत्रकार सम्मेलनमा यस वर्षको उत्पादन योजनाबारे जानकारी दिएको हो ।

सो सम्मेलनमा कम्पनीले फक्सवागन भर्टसको जीटी प्लस स्पोर्ट भेरिएन्ट, जीटी प्लस स्पोर्ट र फक्सवागन टाइगुनको जीटी लाइन भेरिएन्ट पनि सार्वजनिक गरेको थियो । दुबै कारका नयाँ भेरिएन्ट यसै वर्ष लन्च हुनेछ ।

फक्सवागन आईडी डट४ भारतमा लगभग ६५ लाख भारु मूल्यमा लन्च गर्न सकिनेछ । सो एसयूभीले हुन्डाई आयोनिक ५, किया ईभी६, भोल्भो एक्ससी४० रिचार्ज र स्कोडा इन्याकसँग प्रतिस्पर्धा गर्नेछ ।

सो एसयूभी स्लिक डिजाइन र यसको आकार एरोडायनामिक छ । यसको अगाडि कम्पनीले अन्य कारमा जस्तै रेडिएटर ग्रिल प्रदान गरेको छैन । यसको दुबै हेडलाइट स्ट्रिपद्वारा जोडिएको छ । साथै फ्रन्ट बम्परमा हनीकम्ब एयर प्रदान गरिएको छ ।

कारलाई रग्ड लुक प्रदान गर्नका लागि फक्सवागनले चारैतिर क्ल्याडिङ दिएको छ । रियरमा सजिलै खोल्न र बन्द गर्ने फङसन सहितको टेलगेट पनि प्रदान गरिएको छ । यसमा कनेक्टेड एलईडी टेलल्याम्प र हाई रियर बम्पर दिइएको छ । भेरिएन्टको आधारमा कारमा १९ वा २० इन्चको ह्विल दिइएको छ ।

फक्सवागन आईडी डट४ को क्याबिन फ्युचरिस्टिक र प्रिमियम छ । यसका अधिकांश फङसन टच वा भ्वाइस कमान्डद्वारा संचालित हुन्छ । कारमा परम्परागत इन्स्ट्रयुमेन्ट क्लस्टरको सट्टा ५.३ इन्चको डिस्प्ले दिइएको छ । यसमा नेभिगेसन र इन्टरटेन्टमेन्ट जस्ता फिचर भएको ठुलो टचस्क्रिनको ड्यासबोर्ड प्रदान गरिएको छ ।

सो एसयूभीमा ड्युअल जोन क्लाइमेट कन्ट्रोल, अल एलईडी लाइटिङ, हिटेड सिट, प्यानोरामिक सनरुफ, स्मार्टफोन कनेक्टिभिटी र नेभिगेसनसहितको १२ इन्चको टचस्क्रिन इन्फोटेनमेन्ट सिस्टम, एआर हेडअप डिस्प्ले, वायरलेस मोबाइल चार्जिङ, वायरलेस एप कनेक्ट र कनेक्टेड कार टेक्नोलोजी जस्ता फिचर समावेश गरिएको छ । सेफ्टीका लागि ६ एयरब्याग, ३६० डिग्री क्यामेरा र एड्भान्स ड्राइभर असिस्टेन्स सिस्टम प्रदान गरिएको छ ।

कम्पनीले फक्सवागन आईडी डट४को ब्याट्रीका बारेमा कुनै जानकारी दिएको छैन । रिपोर्टका अनुसार यसमा १३५ किलोवाट सम्मको डीसी फास्ट चार्जिङ सपोर्ट प्रदान गर्न सकिनेछ । यसको ब्याट्री १० देखि ८० प्रतिशतसम्म चार्ज हुन २८ मिनेट लाग्छ । साथै ११ किलोवाट एसी फास्ट चार्जिङले यसको ब्याट्री ० देखि १०० प्रतिशत चार्ज हुन करिब ८ घण्टा लाग्छ ।