७ वर्षसम्म स्थिर रहने ब्याज दरमा फक्सवागन गाडी, फेस्टिभ अफरमा विदेश भ्रमण र नगद छुट

काठामाडौं– फक्सवागन गाडीको नेपालका लागि आधिकारिक बितरक पूजा इन्टरनेश्नल नेपालले दशैं–तिहार लक्षित नयाँ अफर ल्याएको छ । सो अफर अन्तर्गत फक्सवागन गाडी खरिद गर्दा ग्राहकले बिदेश भ्रमणको अवसरदेखी नगद छुट र अन्य थुप्रै सुविधा पाउनेछन् ।

कम्पनीले ल्याएको ‘फेवुलस फेस्ट अफर’ मा ग्राहकले २ लाख २५ हजार रुपैयासम्मको नगद छुट, ४ वर्षसम्मको निशुल्क सर्भिस, एक वर्षको निशुल्क सडक कर र निशुल्क एसेसोरिजको सुविधा प्राप्त गर्न सक्नेछन् ।

यसैगरी बम्परमा ४ दिनको यूरोप भ्रमण अवसर समेत प्राप्त हुने कम्पनीले जनाएको छ । यसको साथै भाग्यशाली बीजेताले एनआईयूको इलेक्ट्रिक स्कुटर र एकथान एप्पल म्याकबुक एयर उपहार पाउनेछन् ।

फाइनान्स सुविधा लिन चाहने ग्राहकको लागी कम्पनीले ७ वर्षसम्म स्थिर रहने ब्याजदरमा कर्जा उपलब्ध गराउने जनाएको छ । कर्जाको ब्याजदर १०.९९ प्रतिशत रहेको छ ।