नेपाल आउने तयारीमा रहेका दुई युरोपियन कारले पायो ५ स्टार रेटिङ

युरोपियन ब्रान्ड फक्सवागन र स्कोडाले भारतमा निर्माण गरेको दुई नयाँ कारले क्र्यास टेष्टमा ५ स्टार रेटिङ पाएको छ । ग्लोवल एनक्यापले गरेको पछिल्लो टेष्टमा फक्स्वागन भर्टस र स्कोडा स्लाभियाले ५ स्टार रेटिङ पाएका हुन् । यी कार नेपाली बजारमा समेत आउने तयारीमा रहेका छन् ।

एउटै प्लेटफर्मममा निर्माण गरिएका यी दुई कारले एडल्ट अक्यूपेन्टमा ३४ मध्ये २९.३१ अंक पाएका हुन् भने चाइल्ड अक्यूपेन्टमा ४९ मध्ये ४२ अंक हाँसिल गरेका हुन् । नयाँ प्रोटोकलमा आधारित यो टेष्टमा यसअघि फक्सवागन टाइगुन र स्कोडा कुशाकले पनि ५ स्टार रेटिङ पाएका थिए ।

सेफ्टिमा अव्वल मानिएका यी दुई सेडान कारमा ६ वटा एयरव्याग, ईवीडी र व्रेक असिस्ट सहितको एविएस, रियर पार्किङ सहितको रिभर्स पार्किङ सेन्सर, टायर प्रेसर मोनिटरिङ सिस्टम, हाई स्पिड अलर्ट, मल्टि कोजिन व्रेक, इलेक्ट्रोनिक डिफ्रेन्सियल लक सिस्टम, इलेक्ट्रोनिक स्ट्यावीलीटी कन्ट्रोल, र ट्रयाक्सन कन्ट्रोल सिस्टम लगायत अन्य प्रशस्तै सेफ्टि फिचर दिइको छ ।

१.० टिएसआई इन्जिन जडित यी कारको पावर ११३ विएचपी रहेको छ । यसगरी दुवै कारमा ६ स्पिड म्यानुल र ६ स्पिड टर्क कन्भर्टर अटोमेटिक ट्रान्समीसनको विकल्प पाउन सकिन्छ । भारतीय बजारमा भर्टसको मूल्य ११ लाख ४८ हजारदेखी १८ लाख ५७ हजार रुपैयाँसम्म निर्धारण गरिएको छ भने स्लाभियालाई ११.३९ लाखदेखी १८.४५ लाख भारु तोकिएको छ ।