सुजुकी बाइक वा स्कुटर किन्दा १० हजार पक्का छुट, १५ दिनमा एक जनालाई सुजुकी इन्ट्रयुडर

काठमाडौं – सुजुकी टु ह्विलर्सको नेपालका लागि आधिकरिक वितरक भीजी अटोमोबाइल्सले चाडपर्वको अवसरमा ‘दशै आयो उमंग छायो क्यासब्याक र बम्पर पायो’ नामक अफर ल्याएको छ ।

यस अन्तर्गतका सुजुकीका कुनै पनि बाइक र स्कुटर किन्दा १० हजार रुपैयाँ स्योर सट डिस्काउन्ट पाइने छ । त्यसैगरी १ वर्ष सम्म सडक दस्तुर छुट पाइने छ भने फोर्टनाइट बम्पर अन्तर्गत प्रत्येक १५ दिनमा एक जना विजेतालाई सुजुकी इन्ट्रयुडर बाइक उपहारको रुपमा प्रदान गरिने छ ।

फोर्टनाइट बम्परको विजेता हरेक दोस्रो हप्ता भीजी सुजुकी नेपालको अफिसियल फेसबुक पेजमार्फत लाइभ छनोट गरिने बताइएको छ ।

सुजुकीका कुनै पनि नयाँ बाइक वा स्कुटर किन्नका लाग एक्सचेन्ज र फाइनान्स सुविधा समेत उपलब्ध भएको भीजी अटोमोबाइल्सले जनाएको छ ।