आगामी भदौ ५ सम्म सुजुकी एक्सचेन्ज मेला हुने, प्रचलित मूल्य भन्दा थप १५ हजार पाइने

काठमाडौं – नेपालका लागि सुजुकी मोटरसाइकल तथा स्कुटरको आधिकारिक वितरक भीजी अटोमोबाइल्स प्रालिले सुजुकी एक्सचेन्ज मेला प्रारम्भ गरेको छ । आज देखि प्रारम्भ भएको सो मेला आगामी भदौ ५ गतेसम्म चल्ने छ ।

भीजी सुजुकीका देशभर रहेका शोरुममा एकसाथ मेला आयोजना गरिएको भीजी अटोमोबाइल्सले जनाएको छ ।

कुनै पनि कम्पनीको पुरानो बाइक वा स्कुटरको सट्टामा विश्व प्रसिद्ध जापनिज ब्रान्ड सुजुकीको नयाँ बाइक वा स्कुटर चढ्ने अवसर ग्राहकले पाउनेछन् । कुनैपनि मोटरसाइकल वा स्कुटरको प्रचलित बजार मूल्य भन्दा १५ हजार थप मूल्यांकन गरिने कम्पनीले जनाएको छ ।
मूल्यांकन को लागि नजिकैको भीजी सुजुकी शोरुममा जान सकिने बताइएको छ ।

नेपाली बजारमा सुजुकीका जिक्सर सिरिजका साथै हायाते र इन्ट्रयुडर मोटरसाइकलका तथा बर्गम्यान स्कुटर बिक्रीका लागि उपलब्ध छन् । सुजुकी जिक्सर १५० को मूल्य ३ लाख ३८ हजार ९ सय, जिक्सर २५० को मूल्य ४ लाख ६५ हजार ९ सय रुपैयाँ, जिक्सर एसएफ १५० को ३ लाख ७९ हजार ९ सय, जिक्सर एसएफ २५० मोटोजीपीको मूल्य ५ लाख १ हजार ९ सय, जिक्सर एसएफ २५० को मूल्य ४ लाख ९८ हजार ९ सय र जिक्सर एसएफ १५० मोटोजीपीको मूल्य ३ लाख ८१ हजार ९ सय रुपैयाँ छ ।

त्यसैगरी सुजुकी हायातेको मूल्य १ लाख ९९ हजार ९ सय र इन्ट्रयुडरको मूल्य ३ लाख २९ हजार ९ सय रुपैयाँ छ भने सुजुकी बर्गम्यान स्कुटरको मूल्य २ लाख ४१ हजार ९ सय रुपैयाँ छ ।

त्यसैगरी केही दिन पहिले देखि मात्र नेपाली बजारमा बीएस६ सुजुकी एक्सेस स्कुटर उपलब्ध भएको छ । यसको मूल्य २ लाख ५९ हजार ९ सय रुपैयाँ तोकिएको छ ।