भेन्यू फेसलिफ्टको वुकिङ खुल्ला, यस्तो छ तीन भेरियन्टको मूल्य

आयत प्रतिवन्धका कारण नेपाल आउन रोकिएको भेन्यू फेसलिफ्टको अन्तत विक्रेता कम्पनी लक्ष्मी इन्टरकन्टिनेन्टल प्रालिले वुकिङ खूल्ला गरेको छ । कम्पनीले यसको ३ वटा भेरिएन्टको मूल्य सार्वजनिक गरेर वुकिङ लिन शुरु गरेको हो ।

यो फेसलिफ्ट मोडल नेपाली बजारमा ई, एस र एसएक्स भेरिएन्टमा उपलब्ध हुने कम्पनी स्रोतको भनाई छ । जसको मूल्य क्रमश ३९ लाख ९६ हजार, ४५ लाख ९६ हजार र ५५ लाख ९६ हजार रुपैयाँ निर्धारण गरिएको उक्त स्रोतले नेपाल अटोलाई वतायो ।

यसअघि भेन्यू १.२ लिटर पेट्रोल र १.० लिटर टर्वो पेट्रोल पावरटे«नमा उपलब्ध रहँदै आएकोमा फेसलिफ्ट मोडलको टर्वो भेरिएन्ट भने नेपाल नआउने भएको छ । यो फेसलिफ्ट मोडलमा हुन्डाइले यसअघिकै पावरट्रेनलाई निरन्तरता दिएर अपग्रेड गरेको हो । यसको लुक्स भने पुरानो मोडलको तुलनमा थप एग्रेसिभ वनेर आएको छ ।

हुन्डाईले यसको हेड लाईट एवं टेल लाइट र इन्स्ट्रयूमेन्ट क्लस्टरमा परिमार्जन गरेको छ भने ड्राइभिङ मोडलाई सेन्ट्रल कन्सोलमा रहेको डायलबाटै छनोट गर्न सकिने सुविधा दिएको छ । साथै यसको पछिल्लो रोमा वस्ने यात्रुको सुविधका लागी यसमा एड्जस्ट गर्न मिल्ने सिट र चालले आफ्नो सिटलाई इलेक्ट्रिक पावरको सायहताले सजिलै एड्जस्ट गर्न सक्नेछन् ।

पुरानै ८ इन्चको इन्फोटेन्मेन्ट सिस्टमले निरन्तरता पाएको यो नयाँ मोडलमा व्लुलिङ्क कनेक्टिभिटी सहितको ६० भन्दा वढी कनेक्टेड फिचर उपलब्ध गराइएको छ । यसमा अमेजन एलेक्सा र गुगल भोइस असिस्ट सहितको ‘होम टु कार कनेक्टीभिटी’ फिचर थप गरिएको छ ।