ईसेवाबाट पनि सवारी कर नवीकरण गर्न सकिने, यस्तो छ प्रक्रिया

काठमाडौं – अनलाइन प्लेटफर्म ईसेवाबाट पनि अब सवारी साधनको नवीकरण गर्न सकिने भएको छ । ईसेवाले हालै यसका लागि व्यवस्था गरेको छ ।

ईसेवामार्फत अब सवारी बिमा बुझाउने देखि ब्लुबुक रिन्यु गर्ने सुविधा समेत उपलब्ध भएको छ । यसका लागि निम्न प्रक्रिया अपनाउन सकिन्छ ।
१. सर्वप्रथम Transportation Management Information System (TMIS) https://tmis.bagamati.gov.np/ मा लगइन गरी आफ्नो सवारीको विवरण भर्नुहोस् ।

Nagarik App मार्फत पनि “Vehicle Tax” मा गइ आफ्नो सवारीको विवरण दाखिला गर्न सक्नुहुनेछ ।

२। यसरी सवारी विवरण दाखिला गरिसके पछि अब सवारीको बिमा बुझाउन ईसेवामा “Third Party Insurance”  मा जानुहोस् । यहाँ सम्पूर्ण विवरण भरी बिमा बुझाउने प्रक्रिया पुरा गर्नुहोस् ।

३। बिमा बुझाइसकेपछि अब ब्लुबुक नवीकरण शुल्क बुझाउन ईसेवामा Bluebook Nawikaran (Sawaari Nabikaran)  मा जानुहोस् र विवरण भरी नवीकरण शुल्क सजिलै बुझाउनुहोस् ।

सवारी बिमा बुझाइ ब्लुबुक नवीकरण गरिसकेपछि सही वा छापका लागि ३० दिन भित्र भुक्तानी गर्नु भएको भौचरका साथ आफ्नो यातायात व्यवस्था कार्यालय पुग्नु पर्ने हुन्छ ।

यो भन्दा पहिले बागमती प्रदेशले साउन ८ गतेदेखि अनलाइनबाट सवारी कर तिर्न सकिने सेवा सुरु गरेको थियो । प्रदेशको भौतिक पूर्वाधार विकास मन्त्रालयको वेबसाइट यातायात व्यवस्थापन सूचना प्रणाली (टीएमआइएस) र नागरिक एपबाट सवारी कर र नवीकरण गर्ने सुबिधा सुरु गरेको थियो ।