युएसएड बन्दपछि चोभारस्थित सुख्खा बन्दरगाहमा थन्किए सयौँ गाडी र मोटरसाइकल

काठमाडौँ–अमेरिकी सहयोग नियोग (युएसएड)का कार्यक्रम बन्द हुँदा नेपालमा सयौँ गाडी र मोटरसाइकल थन्किएका छन् ।

युएसएडका कार्यक्रमका लागि प्रयोग हुने गरेका ती सवारी साधन काठमाडौँको चोभारस्थित सुख्खा बन्दरगाह परिसरमा थन्किएका हुन् ।

युएसएडले ती सवारीलई पार्किङ शुल्क तिरेर थन्काएको हो । यहाँ एक गाडी एक दिन पार्किङ गर्दा एक सय रुपैयाँ राजस्व सरकारलाई बुझाउनुपर्छ ।

नेपालमा यूएसएडले स्वास्थ्य, शिक्षा लगायत विभिन्न राम्रो क्षेत्रमा काम गर्दै आएको थियो। अमेरिकी नागरिकको पैसाको दुरुपयोग भएको निष्कर्षसहित राष्ट्रपति ट्रम्पले यूएसएड बन्द गराएका हुन्।