अपडेटेड किया सेल्टोसको ग्लोबल डेब्यु, यस्ता केही फिचर सार्वजनिक

किया मोटर्सले आफ्नो लोकप्रिय एसयूभी सेल्टोसमा पुनः अपडेट गरेको छ । कम्पनीले सेल्टोसको क्याबिन र एक्सटेरियरमा धेरै परिवर्तन गरेको छ । कम्पनीले आफ्नो होम कन्ट्री दक्षिण कोरियामा यसको ग्लोबल डेब्यु गरेको हो । आगामी जुलाई १४ देखि जुलाई २४ सम्म चल्ने बुसान इन्टरनेसनल मोटर शोमा यसको थप फिचर सहित गाडी सार्वजनिक गरिने छ ।

नयाँ किया सेल्टोसमा हेडल्याम्पको साथमा परिमार्जित एलईडी डेटाइम रनिङ लाइट र थोरै अपडेट गरिएको भर्टिकल फगल्याम्प समावेश गरिएको छ । किया सेल्टोस फेसलिफ्टमा पनि नयाँ फ्रन्ट स्किड प्लेट दिइएको छ, जबकि मेस ग्रिल अलि ठूलो भएको छ । रियर बम्परको प्लाष्टिक क्लेडिङमा रातो रिफ्लेक्टर जडान गरिएको छ ।

नयाँ सेल्टोसको क्याबिन पूर्ण रूपमा अपडेट गरिएको छ । यसमा १०.२५ इन्च डिस्प्लेको ड्यासबोर्ड र रोटरी डायलको ठाउँमा गियर लिभर प्रतिस्थापन गरेको छ । यसको आउटगोइङ मोडलमा केही बटन दिइएको छ । नयाँ सेल्टोसले एचभीएसी कन्ट्रोललाई पनि सपोर्ट गर्छ ।

कियाले अहिलेसम्म वडी पार्टसको बारेमा मात्र खुलाएको छ । आगामी दिनमा कम्पनीले यसको टेक्नोलोजी र स्पेसिफिकेशन्सको बारेमा खुलासा गर्ने अपेक्षा गरिएको छ ।