भृकुटीमण्डमा सकियो टीभीएस ग्रान्ड दसैं एक्सचेन्ज मेला, युनिराइडले बेच्यो धेरै बाइक र स्कुटर

काठमाडौं – काठमाडौंको भृकुटीमण्डपमा गत असोज १ देखि प्रारम्भ भएको टीभीएस ग्रान्ड दसैं एक्सचेन्ज मेला हिजो सम्पन्न भएको छ । ६ दिन सम्म चलेको उक्त मेलामा मेलामा ग्राहकको उत्साहजनक सहभागिता रहेको कम्पनीले जनाएको छ । हजारौं संख्यामा ग्राहकहरुको उपस्थिति रहेको र टीभीएस मोटरसाइकल तथा स्कुटर बिक्री पनि उत्साहजनक नै रहेको बताइएको छ ।

मेलामा टीभीएसका २२ वटा डिलरहरु सहभागी थिए । सहभागी डिलहरुमध्ये ललितपुरको महालक्ष्मीस्थानमा अवस्थित युनिराइड अटोले सबैभन्दा बढी टीभीएस मोटरसाइकल र स्कटर बिक्री गर्दै प्रथम बन्न सफल भएको युनिराइडका प्रबन्ध निर्देशक निर्मल सिग्देलले जानकारी दिए ।

‘मेलामा ग्राहकहरुको उत्साहजनक सहभागिता रह्यो,’ सिग्देलले भने, ‘ग्राहकबाट युनिराइडप्रति प्राप्त माया र विश्वासप्रति म आभार व्यक्त गर्दछु ।’ युनिराइडप्रति ग्राहकको माया र सद्भावका साथै टीभीएसका मोटरसाइकल र स्कुटरको गुणस्तरीयता तथा युनिराइडका कर्मचारीहरुको मेहनतले पनि यसमा भूमिका खेलेको सिग्देल बताउछन् ।

युवा अटोमोबाइल व्यवसायी निर्मल सिग्देलले ‘लिडिङ आन्ट्रप्रेनर इन अटोमोटिभ इन्डष्ट्रि’ शीर्षकको अवार्ड प्राप्त गरेका थिए । त्यसैगरी यो भन्दा पहिले युनिराइडले टीभीएसको बेस्ट डेब्यु डिलरको उपाधि समेत पाएको थियो ।