सबैभन्दा धेरै आईक्युब स्कुटर बिक्री गरेर युनिराइड अटोले जित्यो अवार्ड

काठमाडौं–नेपालमा टीभीएस आईक्युब बिक्रीको २ वर्ष पुरा भएको छ । टीभीएसको नेपालका लागि आधिकारिक बिक्रेता जगदम्बा मोटर्सले आईक्युबप्रति ग्राहकको आकर्षण बढिरहेको जनाएको छ ।

यसैक्रममा बागमती प्रदेशमा रहेका टीभीएस डिलरहरु मध्ये ललिपुरको महालक्ष्मिस्थानमा अवस्थित शोरुम युनिराइडले सबैभन्दा धेरै आइक्युव बिक्री गर्न सफल भएको छ । जगदम्बा मोटर्सले आयोजना गरेको अवार्ड कार्यक्रममा युनिराइडले आईक्युबको सर्वाधिक बिक्रीको अवार्ड जितेकाे हो ।

अवार्ड ग्रहण गर्दै युनिराइडका प्रवन्ध निर्देशक निर्मल सिग्देलले ग्राहकको माया र विश्वासकै कारण आँफूले यो उपलब्धि हासिल गर्न सकेको बताए ।

कायक्रममा टीभीएस मोटर्स कम्पनीका सेल्स हेड विक्रान्त ठाकुर, जगदम्बा मोटर्सका प्रमुख कार्यकारी अधिकृत दीपेन्द्र कुमार मिश्रा, सेल्स हेड सुशान्त आचार्य, सेल्स प्रतिनिधि उद्देश्य रानाको उपस्थितिमा सम्पन्न भएको थियो । सो अवसरमा अन्य डिलरहरुले पनि विभिन्न शीर्षकमा अवार्ड प्राप्त गरेका थिए ।