चीनले सञ्चालनमा ल्यायो पानी मुनि बनेको सबैभन्दा लामो सुरुङ मार्ग

चीनमा पानी मुनि बनेको सबैभन्दा लामो सुरुङ मार्ग सञ्चालनमा आएको छ । गत डिसेम्बर २० देखि सञ्चालनमा आएको उक्त सुरुङ मार्ग पूर्वी प्रान्त जियाङसुस्थित ताइहु तालमुनि बनेको हो ।

१०.७९ किलोमिटर लामो उक्त सुरुङ मार्ग बनाउन १ अर्ब ५६ करोड अमेरिकी डलर लागेको थियो । सो मार्ग चाङझोउ-वुक्सी सडक मार्गको एक खण्डको रुपमा रहेको छ । सुरुङ मार्ग प्रयोगमा आएसँगै शाङघाई र नानजिङबीच हुने यात्रा सहज हुनेछ ।

१७.४५ मिटर चौडाइको उक्त सुरुङमा ६ लेनको सडक निर्माण गरिएको छ । यसको सिलिङमा एलइडी लाइटहरु जडान गरिएको छ, जसले गर्दा चालकलाई थकानको महसुस हुँदैन ।

यसको निर्माण सन् २०१८ को जनवरी ९ देखि थालिएको थियो ।