काठमाडौं देखि ककनीसम्म अल्ट्राभोइलेट टेस्ट राइड हुँदै

काठमाडौं - अल्ट्राभोइटलेको नेपालका लागि आधिकारिक वितरक केडिया समूहले अल्ट्राभोइलेट राइड आयोजना गर्ने भएको छ ।

कम्पनीले आगामी शनिबार काठमाडौं देखि ककनीसम्मको अल्ट्राभोइलेटसँगै अन्य २५० सीसी माथिको कुनै पनि कम्पनीको बाइक लिएर राइडरले सहभागी हुनेगरी एक दिने बाइक राइड गर्न लागेको हो ।

अफरोड र अनरोड दुवैको अनुभवका लागि टेस्ट राइड आयोजना गरेको कम्पनीले जनाएको छ ।

साथै, अल्ट्राभोइलेट राइडमा २५० सीसीमाथिका बाइक धनीले समेत राइडमा सहभागिता जनाउन सक्ने छन् भने बाइक र पेट्राेल बाहेक अन्य खर्च कम्पनीको हुने केडिया अर्गनाइजेसनका बिजनेस हेड नवराज कोइरालाले बताए ।

अल्ट्राभोइलेट एफ ७७ को मूल्य १० लाख ७५ हजार रुपैयाँ रहेको छ ।

एफ ७७ माक टूमा २७–३० किलोवाट पिक पावर क्षमताको मोटर छ । यसमा १०.३ किलोवाट आवरको लिथियम आयोन ब्याट्री उपलब्ध छ ।

यसलाई एकपटकको फुलचार्जमा ३२३ किलोमिटरसम्म गुडाउन सकिने कम्पनीको दावी छ । यसले डीसी फास्ट चार्जर समेत सर्पोट गर्छ । यस्तै कम्पनीले ८ लाख किलोमिटर ब्याट्रीमा वारेन्टीसमेत दिएको छ ।

यसमा स्टयान्ड सेन्सर, हिल होल्ड, ट्रायाक्सन कन्ट्रोल, मनो डयुअल च्यानल एबीएस, डाइनामिक स्टयाबिलिटी कन्ट्रोल डिस्क ब्रेक, एलईडी डिस्प्ले, राइड मोड, एलईडी हेड लाइट्स जस्ता फिचर उपलब्ध छन् ।

यो राइडमा सहभागी हुन एउटा फारम अनलाइनबाट भर्नुपर्ने र कल मार्फत पनि पूर्व जानकारी गराएर सहभागी हुन सकिने बताइएको छ ।