कति प्रकारका छन् इन्जिन आयल, कुन छ उत्तम ?

इन्जिन आयल कुनै पनि गाडीको लागि अति महत्वपुर्ण आयल हो । यसको काम इन्जिनलाई राम्रोसँग लुब्रिकेट गर्नु हो, जसले इन्जिनको आयु बढाउँछ । बजारमा धेरै प्रकारका इन्जिन आयलहरू उपलब्ध छन् । इन्जिन आयल कति प्रकारका छन् र कुन आयल कारको लागि उत्तम छन्, जान्नुहोस् ।

मिनरल आयल
मिनरल आयल इन्जिन आयलको सबैभन्दा सरल र कच्चा रूप हो । यो इन्जिन आयलको सबैभन्दा किफायती रूप पनि हो । यो आयल सामान्यतया साना टायर भएका साना कारहरूमा प्रयोग गरिन्छ । यसमा थोरै मात्र लुब्रिकेसन हुन्छ । साथै रिप्लेसमेन्ट इन्टरभल पनि कम हुन्छ ।

सेमी–सिन्थेटिक इन्जिन आयल
सेमी–सिन्थेटिक इन्जिन आयल सिन्थेटिक इन्जिन आयल र मिनरल आयलको मिश्रण हो । जसका कारण यसको मूल्य मिनरल आयल भन्दा बढी हुन्छ । यो सिन्थेटिक इन्जिन आयलको तुलनामा किफायती हुन्छ । यद्यपि यसमा सिन्थेटिक इन्जिन आयल जस्तै लुब्रिकेसन र सेफ्टी हुँदैन । तर, यो मिनरल आयल भन्दा राम्रो हुन्छ ।

सिन्थेटिक इन्जिन आयल
सिन्थेटिक इन्जिन आयल सम्भवतः सबैभन्दा राम्रो प्रकारको आयल हो । जसलाई विभिन्न टेस्ट र रिसर्च पछि तयारी गरिन्छ । यसमा कम अशुद्धता हुन्छ, जसको कारण यसको आयु पनि लामो हुन्छ । यसमा उच्च ताप सहनशीलताको क्षमता पनि हुन्छ । सिन्थेटिक इन्जिन आयल सबैभन्दा महँगो हुन्छ । तर, सिन् थेटिक इन्जिन आयल पुराना गाडीका लागि उपयुक्त हुँदैन ।