सुपर स्क्वाड एडिसनमा आयो टीभीएस रेडर, यस्तो छ मूल्य र विशेषता

टीभीएसले रेडर १२५ को सुपर स्क्वाड एडिसन लन्च गरेको छ । यसअघि एनटर्ककलाई समेत यहि एडिसनमा उतारेको कम्पनीले रेडर सुपर स्क्वाड एडिसनमा लोकप्रिय मार्वल पात्रहरुबाट प्रेरित दुई कलर स्किम दिएको छ ।

नयाँ बाइक डेडपूल र वोल्भरिनको हल्का नीलो र कालो इलिमेन्टबाट प्रेरित कालो र रातो कलर स्किममा ​​उपलब्ध छ, जसको मूल्य ९९ हजार ४६५ भारु निर्धारण गरिएको छ ।

पावरट्रेन र मेकानिकल पक्षमा भने कुनै परिवर्तन गरिएको छैन । नयाँ एडिसनमा पनि टीभीएसले उहि पुरानै १२४.८ सिसी सिंगल–सिलिन्डर इन्जिन उपलब्ध गराएको छ, जसले ११.२२ बिएचपी पावर र ११.३ एनएम टर्क जेनेरेट गर्दछ । यस बाइकको इन्जिन ५–स्पीड गियरबक्ससँग जोडिएको छ ।

बाइकमा टीभएस्कको आईगो असिस्ट सिस्टम र एकीकृत स्टार्टर जेनेरेटर (आईएसजी) उपलब्ध गराइएको छ, जसले पावर मोडमा ११.७५ एनएम को टर्क बूस्ट प्रदान गर्दछ ।

बाइकको अगाडी टेलिस्कोपिक फोर्क र पछाडि मोनो–शक सस्पेन्सन जडान गरिएको छ भने अगाडि डिस्क ब्रेक र पछाडि ड्रम ब्रेक राखिएको छ ।