टीभीएसले आकर्षक लुकसहितको इलेक्ट्रिक स्कुटर ल्याउने, टिजर सार्वजनिक

टीभीएस मोटर कम्पनीले यसै महिनाको अन्त्यमा क्रियोन इलेक्ट्रिक स्कुटर कन्सेप्टमा आधारित टु ह्विल स्कुटर ल्याउन सक्ने अनुमान गरिएको छ । सो स्कुटर २०१८ को अटो एक्स्पोमा पहिलो पटक सार्वजनिक गरिएको थियो । कम्पनीले हालै इन्टरनेटमा आफ्नो आगामी मोडलको टिजर सार्वजनिक गरेको छ ।

उक्त टिजरमा स्कुटरको बारेमा सबै विवरण खुलाएको छ । टिजरमा एप्रोन, हेडलाइट र इन्डिकेटरको साथसाथै स्कुटरको फ्रन्ट फेसियाको डिजाइनको झलक देखाइएको छ । टिजरमा क्रियोन ई–स्कुटर कन्सेप्टसँग मिल्दोजुल्दो भर्टिकल हेडलाइट युनिटको पनि झलक देखाएको छ ।

सो स्कुटरमा ११.७६ किलोवाटको इलेक्ट्रिक मोटर दिइएको छ । सो मोटरले ५.१ सेकेण्डमा ० देखि ६० किलोमिटर प्रतिघण्टाको गति लिन सक्ने कम्पनीको दाबी छ ।

हालैको रिपोर्ट अनुसार कम्पनीको आगामी इलेक्ट्रिक स्कुटर टीभीएस एनटर्क १२५ को इलेक्ट्रिक भर्सन हुन सक्ने पनि अनुमान गरिएको छ । यसको नाम सम्भवतः इनटर्क हुनेछ । यसलाई आईक्युबको लाइनअपमा टपमा हुने सम्भावना छ ।