असहज परिस्थिति र निराशालाई मध्यनजर गर्दै टीभीएसले ल्यायो ‘साथ छ हाम्रो’ योजना

काठमाडौं – कोभिड १९ को दोस्रो लहरले निम्त्याएको असहज परिस्थिति र निराशालाई मध्यनजर गर्दै जीवनयापन सहज बनाउँदै अघि बढ्न टीभीएसको नेपालका लागि आधिकारिक वितरक जगदम्बा मोटर्सले ‘साथ छ हाम्रो’ योजना अघि ल्याएको छ ।

यस योजना अन्तर्गत टीभीएसको कुनै पनि मोटरसाइकल वा स्कुटरको खरिदमा ८ हजार रुपैयाँ पक्कापक्की डिस्काउन्टको व्यवस्था गरिएको छ । यसै गरी किस्ताबन्दीमा मोटरसाइकल वा स्कुटर किन्न इच्छुक व्यक्तिहरुको लागि सीमित अवधिसम्म शून्य प्रतिशत ब्याजदरको समेत विशेष सुविधा रहेको छ ।

आउँदो केही समयमा नयाँ आर्थिक बर्षको सुरुवात र कर प्रणालीमा वृद्धि जस्ता कारणले मोटरसाइकल र स्कुटर दुवैको दाम बढ्ने सम्भावना रहेको समेत जगदम्बा मोटर्सले संकेत गरेको छ । हाल अन्य ब्रान्डले मूल्य वृद्धि गरिरहेको समयमा टीभीएसले पनि साउन लागे पछि मूल्य वृद्धि गर्ने संकेत गरेको छ ।

पुरानै र सस्तो मूल्यमा नयाँ सवारीसाधन किन्ने यो योजना अन्तिम अवसर रहेकाले पनि ग्राहकवर्गमा यो योजना निकै नै आकर्षक रहेको कम्पनीले बताएको छ । यस योजना देशका सम्पूर्ण टीभीएस सोरुमहरुमा लागू हुने बताइएको छ ।