यसरी नगद, फाइनान्स वा एक्सचेन्जमा लिन सकिन्छ बीएस६ अपाचे २०० फोरभी

टीभीएसले हालै नेपाली बजारमा उपलब्ध गराएको बीएस६ इन्जिनको अपाचे आरटीआर २०० फोरभी पछिल्लो समयमा युवा राइडरको रुचिकर बाइक बनेको छ । भृकुटीमण्डपमा जारी टीभीएस ग्रान्ड दसैं एक्सचेन्ज मेलामा यो एउटा प्रमुख आकर्षण बनेको छ ।

यो बाइकको मूल्य ३ लाख ८४ हजार ९ सय रुपैयाँ तोकिएको छ । बाइक किन्न चाहनेले यसलाई आफ्नो अनुकूलता अनुसार नगदमा खरिद गर्न, फाइनान्समार्फत खरिद गर्न वा पुरानो बाइकसँग एक्सचेन्ज गर्न सक्छन् । यी सबै विकल्प प्रयोग गर्दा टीभीएसको नेपालका लागि आधिकारिक वितरक जगदम्बा मोटर्सले हाल उपलब्ध गराइरहेको ‘६ प्राइजको सरप्राइज’ नामक स्किम अन्तर्गतको विभिन्न पुरस्कार जित्ने अवसर समेत पाइन्छ ।

पुरै पैसा तिरेर नगदमा खरिद गर्नेका लागि कमसेकम ९ हजार रुपैयाँ छुट प्राप्त हुनेछ । ग्राहकले किन्नु भन्दा पहिले नै टीभीएस नेपालको वेबसाइटमार्फत फारम भरेर वा स्क्र्याच कार्डमार्फत आएको एसएमएसका आधारमा नगद छुट प्राप्त गर्न सक्ने छन् । यसमा १ लाख रुपैयाँ सम्म छुट प्राप्त हुने सम्भावना हुन्छ ।

त्यसैगरी ५० प्रतिशत रकम शुरुमा बुझाएर बाँकी रकम शून्य प्रतिशत ब्याजदरमा १८ महिना सम्म किस्ताको रुपमा तिर्न पनि सकिन्छ । यसरी लिदा शुरुमा १ लाख ९२ हजार ४५० रुपैयाँ डाउन पेमेन्टको रुपमा बुझाउनु पर्छ । बाँकी रकम १८ महिना सम्म प्रत्येक महिना १० हजार ६९१ रुपैयाँको दरले बुझाउन सकिन्छ ।

यसरी लिनका लागि फाइनान्समार्फत सुविधा उपलब्ध हुन्छ । यद्यपि सुरुमा फाइनान्स चार्जवापत ५ हजार ५ सय, नामसारीका लागि १ हजार ५ सय र इन्स्योरेन्सका लागि ६ हजार गरी १३ हजार रुपैयाँ समेत थप बुझाउनु पर्छ ।

हाल एक्सचेन्जको समय भएकाले टीभीएसले पुराना कुनै पनि ब्रान्डका मोटरसाइकल वा स्कुटरसँग नयाँ टीभीएसका मोटरसाइकल वा स्कुटर साट्न सकिने अवसर प्रदान गरेको छ । अपाचे आरटीआर २०० फोरभी लिनेले पनि आफ्नो पुरानो कुनै पनि ब्रान्डको मोटरसाइकल वा स्कुटरसँग यसलाई साट्न सकिने अवसर प्रदान गरेको छ ।

यसरी पुरानो मोटरसाइकलको भ्यालुएसन कमसेकम १ लाख ४५ हजार रुपैयाँ हुने र यसैलाई डाउन पेमेन्टको रुपमा मानिने बताइएको छ । यसले गर्दा आफूसँग पुरानो मोटरसाइकल हुनेले डाउन पेमेन्टको रुपमा थप रकम बुझाउनु पर्दैन । बाँकी ९ हजार ९९९ रुपैयाँ प्रत्येक महिना किस्ताबन्दीको रुपमा बुझाउन सकिन्छ ।

हाल टीभीएसले देशभरका अधिकांश स्थानमा एक्सचेन्ज अफर राखेको छ । त्यसैगरी चाडपर्वको अवसरमा अफर समेत उपलब्ध छ । यो अवस्थामा विभिन्न आकर्षक नगद र विभिन्न पुरस्कार जित्न सकिने सम्भावना समेत छ ।