ट्रायम्फको ४०० सीसी बाइक स्पिड टी४ भारतमा लन्च

ट्रायम्फ मोटर्स इन्डियाले आफ्नो तेस्रो ४०० सीसी इलेक्ट्रिक बाइक स्पिड टी४ लन्च गरेको छ । नयाँ ट्रायम्फ बाइक स्पिड ४०० मा आधारित छ । नयाँ स्पिड ४०० हालको मोडलको तुलनामा करिब १५ हजार महँगो छ । सो बाइक ३ रङमा उपलब्ध छ र यसमा विभिन्न बडी ग्राफिक्स फिचर रहेको छ ।

ट्रायम्फ स्पिड टी४ मा अपसाइड डाउन फ्रन्ट फोर्क समावेश गरिएको छैन । कम्पनीले टी४ मा ३५०० आरपीएम र ५५०० आरपीएम बीचको उच्च टर्कमा चल्ने इन्जिनको साथमा विभिन्न विशेषता प्रदान गर्ने बताएको छ ।

नयाँ ट्रायम्फमा कम आरपीएममा पनि स्थिरता प्रदान गर्न स्पिड ४०० को तुलनामा ३० प्रतिशतले इन्जिन क्षमता बढाएको छ । ट्रायम्फले सो बाइकलाई १०० किलोमिटर प्रतिघण्टाको गतिमा सहज रूपमा गति दिन मद्दत गर्ने बताएको छ । यसमा म्यानुअल थ्रोटल बडी कन्ट्रोल, स्लिपर र असिस्ट क्लच र अगाडि ४३ एमएम टेलिस्कोपिक फोर्क रहेको छ।

यसमा स्ट्यानडर्ड रूपमा ड्युअल च्यानल एबीएस सिस्टम दिइएको छ साथै यूएसबी चार्जिङ पोर्ट र पछाडि मोनोशक सस्पेन्सन दिइएको छ । बाइकका अल-एलइडी लाइटिङ, १७ इन्च अलोय ह्विल, सेमी-डिजिटल इन्स्ट्रयुमेन्ट कन्सोल, ४३ एमएम टेलिस्कोपिक फोर्क र पछाडि मोनोशक अब्जर्बर दिइएको छ । ब्रेकिङको लागि यसमा ड्युअल च्यानल एबीएससहित ३०० एमएम फ्रन्ट र २३० एमएम रियर डिस्क ब्रेक रहेको छ।

ट्रायम्फ स्पिड टी४ मा ३९८ सीसी सिंगल-सिलिन्डर लिक्विड-कूल्ड इन्जिन जडान गरिएको छ, जसले ७००० आरपीएममा ३१ पीएस पावर र ५००० आरपीएममा ३६ एनएम टर्क जेनेरेट गर्छ ।

सो बाइकले रोयल इन्फिल्‍ड क्लासिक ३५०, रोयल इन्फिल्‍ड गुरिल्ला ४५०, जावा ४२ एफजे ३५०, येज्दी रोडस्टर, होन्डा सीबी३५०आरएस, हार्ले डेभिडसन एक्स ४४० र ३५०-५०० सीसी सेगमेन्टका बाइकसँग प्रतिस्पर्धा गर्नेछ ।