भारतिय बजारका लागि टोयोटाको पहिलो ईभी सार्बजनिक, यस्तो छ विशेषता

टोयोटाले भारतिय बजारका लागि आफ्नो पहिलो विद्युतीय एसयुभी अर्बन क्रूजर एबेला सार्वजनिक गरेको छ । मारुति सुजुकी ई–भिटारामा आधारित सो नयाँ ईभीमा एउटै बडी शेल प्रयोग गरिएको छ । ई–भिटराभन्दा फरक देखाउन टोयोटाले यसको फ्रन्ट लुक्समा भने केही परिमार्जन गरेको छ ।

अर्बन क्रूजर एबेलामा सेग्मेन्टेड एलईडी डीआरएल र फरक फ्रन्ट बम्परको साथ स्लीक ¥यापराउन्ड हेडल्याम्प राखिएको छ । यसमा ई–भिटारा जस्तै लाइट बारद्वारा जोडिएको एल–आकारको टेललाइट दिइएको छ ।

अर्बन क्रूजर ईभीमा ई–भिटारा जस्तै ड्यासबोर्ड राखिएको छ । डुअल स्क्रिन लेआउट दिइएको यस ईभीमा अटोमेटिक क्लाइमेट कन्ट्रोल, वायरलेस चार्जर, पावर्ड ड्राइभर सिट, सनरुफ, जेबीएल अडियो सिस्टम, एन्ड्रोइड अटो तथा एप्पल कारप्ले कनेक्टिभिटी, ३६०–डिग्री क्यामेरा र लेभल–२ एडास जस्ता धेरै उन्नत फिचर पाइनेछ ।

४९ किलोवाट आवर र ६१ किलोवाट आवर ब्याट्री प्याकमा उपलब्ध यस ईभीको पावर १४२ बिएचपी तथा १७२ बिएचपी र टर्क १८९ एनएम छ ।
सो कार ५ मोनोटोन र ४ डुअल–टोन कलर अप्नसमा उपलब्ध हुनेछ ।

अर्बन क्रूजर एबेला मा टोयोटाले ८ वर्षको ब्याट्री वारेन्टी र ब्याट्री–एज–ए–सर्भिस विकल्प प्रदान गर्ने जनाएको छ । साथै, टोयोटाले यस ईभीमा ६० प्रतिशत एस्योर्ड बाईब्याक समेत प्रदान गर्ने बताएको छ ।