टोयोटाले नयाँ कम्प्याक्ट एसयूभी ल्याउँदै, नेक्सन र भेन्युसँग प्रतिस्पर्धा गर्ने

टोयोटाले अर्बन क्रुजर टेसर नामक नयाँ कम्प्याक्ट एसयूभी ल्याउने भएको छ । यसको लागि उत्सुकतापूर्वक पर्खिरहनु हुने ग्राहकको लागि कम्पनीले यसको लन्चिङ मितिको बारेमा जानकारी दिएको छ । कम्पनीले आफ्नो लाइनअपमा रहेको सबैभन्दा सानो एसयूभी अप्रिल ३ मा भारतमा लन्च गर्ने जनाएको छ । यो नयाँ कार मारुती सुजुकी फ्रङ्क्सको रिब्याज्ड संस्करण हुनेछ ।

अर्बन क्रुजर टेसरमा कस्मेटिक परिवर्तनका साथै रिभाइज्ड हेडल्याम्प क्लस्टर, नयाँ एलईडी डेटाइम रनिङ ल्याम्प, अलोय ह्विल, टेल ल्याम्प र रिभाइज्ड रियर बम्पर हुने अपेक्षा गरिएको छ । कम्पनीले यसको इन्टेरियरमा फ्रङ्क्स जस्तो ड्यासबोर्ड समावेश गर्ने अनुमान छ । सिटमा नयाँ अपहोल्स्ट्री देख्न सकिनेछ ।

इन्जिनको बारेमा कुरा गर्दा अर्बन क्रुजर टेसरमा फ्रङ्क्स जस्तै इन्जिन विकल्प हुनेछ । यसमा १.२ लिटर पेट्रोल इन्जिन र सम्भावित रूपमा १.० लिटर बुस्टरजेट टर्बो पेट्रोल युनिट समावेश छ ।

सो एसयूभीले टाटा नेक्सन, हुन्डाई भेन्यु, महिन्द्रा एक्सयूभी३०० र मारुती सुजुकी ब्रेजा जस्ता कम्प्याक्ट एसयूभीसँग प्रतिस्पर्धा गर्नेछ ।