हाइलक्स ईभीलाई टोयोटाले अर्को वर्षदेखी थाइल्याण्डबाट उत्पादन सुरु गर्ने

हाइलक्स पिकअपको इलेक्ट्रिक भर्सन २०२५ को अन्त्य सम्ममा उत्पादनमा प्रवेश गर्ने टोयोटाले जनाएको छ । उक्त इलेक्ट्रिक पिकअप थाइल्याण्डमा उत्पादन हुने टोयोटा थाइल्यान्डका प्रमुख नोरियाकी यामाशिताले पुष्टि गरेका हुन् ।

सन् २०२२ मा यसको कन्सेप्ट प्रदर्शन गरिएको थियो । रिपोर्टका अनुसार उक्त पिकअपको थाइल्यान्डमा ब्यापक परिक्षण गरिनेछ । उत्पादनमा जानुु अघि हाइलक्स ईभीलाई सार्बजनिक यातायातमा समेत परिक्षण गरिने टोयोटाले जनाएको छ । उक्त परिक्षणबाट यसको कार्य दक्षता प्रमाणित भएपछि मात्र उत्पादन सूरु हुनेछ ।

थाइल्यान्डमा लन्च भएपछि युरोप लगायत अन्तर्राष्ट्रिय बजारमा पनि बिक्री हुने कम्पनीको भनाई छ । यसले फोर्ड एफ–१५० लाइटनिङ र इसुजुले लन्च गर्ने तयारी गरेको डी–म्याक्स इलेक्ट्रिक पिकअपसंग प्रतिस्पर्धा गर्नेछ ।

अन्तराष्ट्रिय बजारमा लन्च भएपनि सो पिकअप नेपाली बजारमा समेत आउने आनुमान गर्न सकिन्छ । नेपालमा अहिले बिक्री हुँदै आएको हाइलक्सले प्रिमियम पिकअपका रुपमा आफ्नो पहिचान कायम गरेको छ ।