टोयोटाको भारतमा एक दशक यताकै सर्वाधिक विक्री रेकर्ड

सन् २०२२ मा टोयोटाले भारतमा एक दशक यताकै सर्बाधिक गाडी विक्री गरेको छ । यो वर्ष उसले कुल १ लाख ६० हजार ३५७ युनिट गाडी बिक्री गर्दै भारतीय बजारमा आफ्नो उपस्थितीलाई वलियो वनाउँदै लगेको हो । जुन अघिल्लो वर्षको तुलानामा २३ प्रतिशतले बढी हो ।

सन् २०१२ मा कुल १ लाख ७२ हजार २४१ युनिट कार विक्री गरेको टोयोटाको त्यसपछिका वर्षहरुमा भने विक्री कम हुँदै गएको थियो । सन् २०२१ मा उसले कुल १ लाख ३९ हजार ७६८ युनिट कार बिक्री गरेको थियो ।

वर्ष २०२२ मा विक्री वढ्नुको पछाडी नयाँ मोडल हाइराइडर र हाइक्रसको योगदान महत्पूर्ण रहेको कम्पनीले बताएको छ । यी मोडलसंगै ग्लान्जा, फर्चूनर, लेजेन्डर, क्याम्री र भेलफायर जस्ता मोडलले समेत आ–आफ्नो सेग्मेन्टमा राम्रो रेस्पोन्स पाएका थिए ।

टोयोटाको मात्र नभई यो वर्ष भारतमा प्राय सवैजसो ब्रान्डले बिक्री वढाएका छन् । मारुती सुजुकी, हुन्डाई, टाटा र महिन्द्रा जस्ता उच्च माग भएका व्राण्डले यो वर्ष विक्रीमा नयाँ रेकर्ड कायम गरेका छन् ।