टोयोटाले पनि इलेक्ट्रिक एसयूभी ल्याउँदै, अर्को वर्ष लन्च गर्ने योजना

सुजुकी मोटर कर्पोरेशन र टोयोटा मोटर कर्पोरेशनको साझेदारीमा नयाँ इलेक्ट्रिक एसयूभी मोडल आउने भएको छ । सो इलेक्ट्रिक कारको निर्माण फेब्रुअरी २०२५ देखि सुरु हुनेछ । मारुती सुजुकी इन्डिया लिमिटेडले टोयोटालाई विश्वव्यापी रूपमा आफ्नो पहिलो इलेक्ट्रिक कार आपूर्ति गर्नेछ ।

नयाँ इलेक्ट्रिक गाडीको लागि सुजुकी र टोयोटा दुबैले आ–आफ्नो तहमा काम गरिरहेका छन्, जसमा सवारी साधनको उत्पादन र पारस्परिक आपूर्ति र इलेक्ट्रिफाइड सवारी साधनहरू समावेश छन् । हाल यसको बजार जापान, भारत, युरोप, अफ्रिका र मध्यपूर्वमा फैलिएको छ ।

यो दुई कम्पनीको साझेदारीमा ओईएम सम्बन्धले पहिलो बीईभी हो । यी दुई कम्पनीले मिलेर भारतमा इलेक्ट्रिक एसयूभी मोडल तयार गर्न लागेका छन् र यसलाई विश्वभर लन्च गरिने छ । सो इलेक्ट्रिक गाडीले एसयूभी बजारमा बीईभी विकल्प पनि उपलब्ध गराउनेछ ।

यसलाई विशेष रूपमा बीईभीको रूपमा डिजाइन गरिनेछ। बीईभी तीव्र गतिको फिचरसहितको एसयूभी हुनेछ। यसमा पर्याप्त क्रूजिङ रेन्ज र आरामदायी क्याबिन हुनेछ । सो एसयूभी फोरडब्ल्युडी सिस्टमको साथमा आउनेछ।