टोयोटाले हाइब्रिड इन्जिन सहितको हाइराइडर ल्याउदै, हुन्डाई क्रेटाको प्रतिस्पर्धी बन्ने

टोयोटाले आगामी दिनमा अन्य गाडी लन्च गर्नु अघि जुलाई १ मा अर्बन क्रुजर हाइराइडर लन्च गर्ने भएको छ । मध्यम आकारको सो एसयूभी टोयोटाले लन्च गरे मुख्य कारमध्ये एक हुनेछ । टोयोटाले नयाँ अर्बन क्रुजर कम्प्याक्ट एसयूभी र नयाँ जेन इनोभा पनि यस वर्षको अन्त्यसम्ममा लन्च गर्ने बताइएको छ ।

टोयोटा अर्बन क्रुजर हाइराइडरले हुन्डाई क्रेटा, किया सेल्टोस, फक्सवागन टाइगुन, स्कोडा कुशाक, निसान किक्स र एमजी एस्टरसँग प्रतिस्पर्धा गर्नेछ । पाँच सिटर सो एसयूभी परीक्षण क्रममा देखिएको छ । सो एसयूभी चाँडै लन्च हुने अनुमान गरिएको छ ।

नयाँ हाइराइडरमा सम्भवतः हल्का हाइब्रिड र बलियो हाइब्रिड भएको १.५ लिटर पेट्रोल इन्जिन हुने सम्भावना छ । सो एसयूभी मारुती सुजुकी वाईएफजीसँग धेरै समानता हुनेछ । रिपोर्टका अनुसार अर्बन क्रुजर हाइराइडरमा हल्का हाइब्रिड इन्जिनको साथ एडब्ल्युडी विकल्प भएको सेगमेन्टकै पहिलो एसयूभी हुनेछ ।

माइल्ड हाइब्रिड टेक्नोलोजी भएको १.५ लिटर ४ सिलिन्डर के१५सी पेट्रोल इन्जिन सम्भवतः फेसलिफ्टेड एर्टिगा र एक्सएल६ जस्तै हुनेछ । यसले ६००० आरपीएममा १०३ पीएसको पावर र ४४०० आरपीएममा १३६.८ एनएमको टर्क जेनेरेट गर्छ । सो एसयूभीमा ६ स्पिड म्यानुअल ट्रान्समिसन वा प्याडल सिफ्टिङ फङसन विकल्पको रूपमा ६ स्पिड टर्क कन्भर्टर अटोसँग जोडिनेछ ।

टोयोटा अर्बन क्रुजर हाइराइडरको डिजाइन ग्लेन्जा फेसलिफ्टबाट प्रभावित भएको छ । सो एसयूभीमा एप्पल कारप्ले र एन्ड्रोइड अटो कनेक्टिभिटीको साथ ९ इन्चको टचस्क्रिन इन्फोटेनमेन्ट सिस्टम, अटोमेटिक क्लाइमेट कन्ट्रोल, क्रुज कन्ट्रोल, सनरुफ, सेमी डिजिटल इन्स्ट्रयुमेन्ट कन्सोल, एचयूडी, ३६० डिग्री क्यामेरा, ६ वटा एयरब्याग र टीपीएमएस समावेश हुनेछन् ।