कियाको पहिलो पिकअप ट्रक ‘टास्मान’ सार्वजनिक, टोयोटा हाइलक्ससँग प्रतिस्पर्धा हुने

दक्षिण कोरियाली अटोमेकर कियाले आफ्नो पहिलो पिकअप ट्रक ‘टास्मान’ सार्बजनिक गरेको छ । नयाँ पिकअप ट्रक पहिलो ६ महिना कोरियाली बजारमा बिक्री हुने र त्यसपछि अष्ट्रेलिया, अफ्रिका र मध्य पूर्व लगायतका अन्तर्राष्ट्रिय बजारहरूमा उपलब्ध हुने जनाइएको छ ।

सिंगल क्याब र डबल क्याब दुवै संस्करणमा उपलब्ध हुने सो पिकअप ट्रक बेस, एक्स–लाइन, र अफ–रोड–केन्द्रित एक्स–प्रो भेरिएन्टमा उपलब्ध हुनेछ । यसमा सिंगल डेकर, डबल डेकर, स्पोर्ट्स बार र ल्याडर र्याक गरी कुल चारवटा कार्गो बेड उपलब्ध हुनेछ ।

किया टास्मानको सबै भेरियन्टमा भर्टिकल हेडल्याम्प, सी आकारको एलईडी डिआरएल, टाइगर नोज ग्रिल, र ठूलो फ्रन्ट बम्पर तथा हुडहरू समावेश हुनेछ भने पछाडि सी आकारको टेल लाइट राखिएको छ । साथै, यसको एक्स–लाइन र एक्स प्रो भेरिएन्टमा अल ह्विल ड्राइभको साथ इको, स्मार्ट, र स्पोर्ट ड्राइभ मोड तथा डेजर्ट, मड, स्नो र रक जस्ता टेरियन मोड पाइनेछ । टास्मानमा एडास र इलेक्ट्रोनिक लकिङ डिफ्रेन्सियल जस्ता फिचर समेत हुनेछ ।

साथै, यसको इन्टेरियमा १२.३ इन्चको डुअल स्क्रिन, ठूलो प्यानोरामिक सनरुफ, सेन्ट्रल कन्सोलमा फोल्डिङ टेबल, वायरलेस चार्जिङ, र आठ स्पिकर हर्मोन कार्डन प्रिमियम अडियो प्रणाली छ उपलब्ध हुनेछ ।

सो नयाँ पिकअप ट्रकमा जडान गरिएको २.५ लिटर पेट्रोल इन्जिनले २७७ बीएचपी र ४२१ एनएम टर्क जेनेरेट गर्दछ । यसैगरी, २.२ लिटर डिजेल युनिटले २०७ बीएचपी र ४४१ एनएम टर्क दिन्छ । पेट्रोल इन्जिनलाई ८ स्पीड अटोमेटिक गियरसँग जोडिएको छ भने डिजेल इन्जिनमा ८ स्पिड अटो अर्थात ६ स्पिड म्यानुअल गियरबक्सको विकल्प पाउँछ ।

टास्मानले टोयोटा हाइलक्स र ईसुजु भि–क्रस लगायत पिकअप ट्रकसगं प्रतिस्पर्धा गर्ने कम्पनी दाबी छ ।