हाइलक्स ईभीको परिक्षण सुरु, अर्को वर्ष थाइल्यान्डमा लन्च हुने

टोयोटाले आफ्नो लोकप्रिय पिकअप ट्रक हाइलक्सको ईभी भसर्नलाई परिक्षण गर्न सुरु गरेको छ । सो ईभीको अहिले थाइल्यान्डमा परिक्षण भइरहेको कम्पनीले जनाएको छ । टोयोटाले यसलाई २०२५ को अन्त्य सम्ममा लन्च गर्ने बताउँदै आएको छ ।

सन् २०२२ मा यसको कन्सेप्ट प्रदर्शन गरिएको थियो । रिपोर्टका अनुसार उक्त पिकअपको थाइल्यान्डमा ब्यापक परिक्षण भइरहेको छ । उत्पादनमा जानुु अघि हाइलक्स ईभीलाई सार्बजनिक यातायातमा समेत परिक्षण गरिने टोयोटाले जनाएको छ । उक्त परिक्षणबाट यसको कार्य दक्षता प्रमाणित भएपछि मात्र उत्पादन सूरु हुनेछ ।

थाइल्यान्डमा लन्च भएपछि युरोप लगायत अन्तर्राष्ट्रिय बजारमा पनि बिक्री हुने कम्पनीको भनाई छ । यसले फोर्ड एफ–१५० लाइटनिङ र इसुजुले लन्च गर्ने तयारी गरेको डी–म्याक्स इलेक्ट्रिक पिकअपसंग प्रतिस्पर्धा गर्नेछ । यो इलेक्ट्रिक पिकअपमा जडान हुने ब्याट्री मोटर र अन्य फिचरका वारेमा टोयोटाले हालसम्म कुनै जानकारी वाहिर ल्याएको छैन ।

अन्तराष्ट्रिय बजारमा लन्च भएपछि सो पिकअप नेपाली बजारमा समेत आउने आनुमान गर्न सकिन्छ । नेपालमा अहिले बिक्री हुँदै आएको हाइलक्सले प्रिमियम पिकअपका रुपमा आफ्नो पहिचान कायम गरेको छ ।