ललितपुरमा टोयोटा एक्सचेन्ज क्याम्प चल्दै, पुराना गाडीसँग टोयोटा गाडी साट्न सकिने

काठमाडौं – नेपालका लागि टोयोटा गाडीको अधिकारिक बिक्रेता युनाइटेड ट्रेडर्स सिन्डिकेट अन्तर्गतको ग्यालेक्सी अटोमोबाइल प्रालिद्वारा ललितपुरस्थित शोरुममा टोयोटा एक्सचेन्ज क्याम्पको आयोजना भइरहेको छ ।

गत साउन २९ देखि प्रारम्भ भएको सो क्याम्प आगामी भाद्र २ गते सम्म चल्ने छ । सो एक्सचेन्ज क्याम्पमा ग्राहकले आफ्नो पुरानो जुनसुकै गाडीलाई नयाँ टोयोटा हाइलक्स २.८ लिटर वा कोरोला क्रस वा -याभ फोर हाइब्रिडसँग साट्न सक्नेछन् ।

ग्राहकका लागि उत्कृष्ट एक्सचेन्ज योजना र आफ्नो सवारीसाधन अभिवृद्धि गर्ने सुवर्ण अवसर प्रदान गर्न ग्यालेक्सी अटोमोबाइल र युनाइटेड ट्रेडर्स सिन्डिकेटले उक्त योजना ल्याएको बताइएको छ ।

एक्सचेन्ज अफरमा ग्यालेक्सी अटोमोबाइल्समार्फत आफ्ना ग्राहकसामू नगद छुट, स्पट एक्सचेन्ज एन्ड भ्यालुएसन र एक्सचेन्ज बोनस हरेक गाडीको बिक्रीसँगै प्रदान गरिने युनाइटेड ट्रेडर्स सिन्डिकेटका डिलर डेभलपमेन्ट म्यानेजर अस्मित नेपालले बताए ।