बिग्रिएको एम्बुलेन्सलाई टोइङ नेपालले निःशुल्क उद्धार गर्ने, स्वास्थ्यकर्मीको गाडीलाई २० प्रतिशत छुट

काठमाडौं – कोभिड–१९ संक्रमणमा बिरामी ओसारपसारमा संलग्न एम्बुलेन्स बाटैमा बिग्रिएमा टोइङ नेपालले निःशुल्क उद्धार गर्ने भएको छ । टोइङ नेपालले यसरी बाटैमा बिग्रिएका एम्बुलेन्सलाई सर्भिस सेन्टरमा पु-याएर जाँच गरी आवश्यक मर्मत गर्ने बताएको छ ।

कुनै पनि एम्बुलेन्समा मेकानिकल वा इलेक्ट्रिकल रुपमा खराबी आएमा वा दुर्घटना भएमा सबै मर्मत कार्य टोइङ नेपालले गर्ने बताएको छ । यसका लागि हटालाइन नम्बर ९८०२३०५०५० र ९८२३०२५९०७ मा सम्पर्क गर्न सकिने छ ।

त्यसैगरी कोभिड वारियरहरुलाई सहयोग गर्नका लागि समेत २० प्रतिशत छुटमा सेवा उपलब्ध गराइने छ । यसरी बिरामीको सेवामा खटिएका फ्रन्टलाइनर स्वास्थ्यकर्मी, प्रहरी र यातायात व्यवसायीहरुको सवारी साधन बिग्रिएमा २० प्रतिशत छुटमा उद्धार गरी मर्मत गरिने टोइङ नेपालले जानकारी दिएको छ ।

नेपालभर यो सुविधा उपलब्ध भएको बताइएको छ । टोइङ नेपालले सामाजिक उत्तरदायित्वलाई मनन गरी यो सुविधा उपलब्ध गराएको बताएको छ ।