टोइङ नेपाल बन्यो विश्वकै सबैभन्दा ठूलो अटोमोटिभ सोसाइटी एसएई इन्टरनेसनलको सदस्य

काठमाडौं – बाटोमै बिग्रिएका सवारी साधनलाई उद्धार गरी मर्मत गर्ने कार्यमा संलग्न टोइङ नेपालले विश्वकै सबैभन्दा ठूलो अटोमोटिभ सोसाइटी एसएई इन्टरनेसनलको सदस्यता प्राप्त गरेको छ । एसएई अर्थात सोसाइटी अफ अटोमोटिभ इन्जिनियर्समा विश्वभरका अटोमोटिभ क्षेत्रमा कार्यरत इन्जिनियर र व्यावसायिक व्यक्तिहरु संलग्न छन् ।

एसएई इन्टरनेसनलको सदस्य बनेको टोइङ नेपाल सम्भवतः नेपालकै पहिलो व्यावसायिक संस्था भएको महासचिव प्रवेश पौडेलले बताए । टोइङ नेपालले भेइकल टोइङ गरेर एक स्थानबाट अर्को स्थानमा पु¥याउने र मर्मत गर्ने कार्य गर्नुका साथै सडक सुरक्षाका वारेमा जनचेतना फैलाउने तथा सडक दुर्घटना पीडितहरुका लागि विभिन्न कार्य समेत गर्दै आएको छ ।

निषेधाज्ञाको समयमा समेत टोइङ नेपालले बिरामीको सेवामा खटिएका फ्रन्टलाइनर स्वास्थ्यकर्मी, प्रहरी र यातायात व्यवसायीहरुको सवारी साधन बिग्रिएमा २० प्रतिशत छुटमा उद्धार गरी मर्मत कार्य गरेको थियो ।