वीरगन्जमा टोटल लुब्रिकेन्ट्सको मेकानिक मिट तथा अन्तरक्रिया कार्यक्रम सम्पन्न

वीरगन्ज - टोटल इनर्जिज लुब्रिकेन्ट्सको नेपालका लागि आधिकारिक वितरक लक्ष्मी ल्युब आयल प्रालिले वीरगन्जमा मेकानिक मिट तथा अन्तरक्रिया कार्यक्रम सम्पन्न गरेको छ । वीरगन्जस्थित बिक्रेता एसके सप्लायर्सको सहकार्यमा आयोजना गरिएको उक्त कार्यक्रमा हालै सम्पन्न भएको हो ।

कार्यक्रममा वीरगन्ज तथा आसपास क्षेत्रका वर्कशपमा कार्यरत मेकानिकहरूको बाक्लो उपस्थिति रहेको थियो । उनीहरुलाई टोटल इनर्जिज लुब्रिकेन्टको इन्जिन आयल प्रयोग गर्ने विधि, प्रविधि, गुणस्तरसंगै इन्जिनको दीर्घकालीन संरक्षण कसरी गर्न सकिन्छ भन्ने बारे जानकारी प्रदान गरिएको थियो ।

सो लुब्रिकेन्ट्सका बारेमा मेकानिकहरुले टोटल इनर्जिज लुब्रिकेन्ट्स प्रिमियम स्तरको उत्पादन रहेको र यसले गाडीलाई स्मुथ बनाउनुको साथै इन्जिनको आवाज कम गर्दै पर्फमेन्स राम्रो दिएको उनीहरुले बताए ।

सो कार्यक्रमले लुब्रिकेन्ट्सका बारेमा मेकानिकलाई ज्ञान प्रदान गर्न सहज बनाएको र बजारमा टोटल इनर्जिजको बढ्दो लोकप्रियता, उपभोक्ताको विश्वास तथा ब्रान्डको प्रतिस्पर्धी स्थानमा थप स्पष्टता हासिल गर्न सहयोग पुगेको कम्पनीको भनाइ छ ।