विन्डस्क्रिनमा जम्मा भएको वाफ हटाउन यसो गरौ

सवारी ड्राइभिङ गर्दा आवश्यक परेको बेलामा वाइपर चलाउनु स्वाभाविकै हो । वाइपर बढी चलाउँदा विन्डस्क्रिन चाँडै विग्रनुका साथै भिजिविलिटीमा कमी आउन थाल्छ । विशेषगरी यस्तो जाडो मौसममा हुन्छ ।

चिसो मौसममा विन्डस्क्रिनमा बढी कुहिरो जम्मा हुने हुँदा यसको विशेष ध्यान दिनु पर्छ । विशेषगरी लामो दूरीको यात्रा गर्दा यसमा ध्यान दिनु पर्छ । विन्डस्क्रिनमा जम्मा भएको वाफलाई सजिलै हटाउन पनि सकिन्छ ।

जाडो मौसममा मात्र कारको सिसामा वाफ जम्मा हुन्छ । चिसोबाट बच्न कार भित्र बसेका यात्रुले ज्याकेट र स्वेटर लगाएका हुन्छन् । सिसा बन्द हुँदा भित्र र बाहिरको तापक्रममा परिवर्तन हुन्छ । जसले गर्दा विन्डस्क्रिनमा वाफ जम्मा हुन्छ ।

विन्डस्क्रिनमा वाफ जमेपछि भित्र र बाहिरको तापक्रम बराबर गर्न केही बेर एसी चलाउनुहोस् । यसले विन्डस्क्रिनको वाफ सजिलै हट्छ । तर लामो दुरीको यात्रा गर्दा इन्जिनको तातो हावा विन्डस्क्रिनबाट बाहिर निस्कने हुँदा यस्तो समस्या कमै मात्र हुन्छ ।

विन्डस्क्रिनमा वाफ जम्मा भएका कारण भिजिविलिटीमा कमी आउन सक्छ । यसको कारण दुर्घटना पनि हुन सक्छ । यसबाट बच्नका लागि ढोकाको सिसा केही बेर खोलेर ड्राइभ गर्दा वाफ जम्मा हुँदैन । यसले बाहिरको हावा भित्र पस्छ र भित्रको हावा बाहिर निस्कन्छ र विन्डस्क्रिनमा वाफ जम्मा हुँदैन ।