ड्राइभिङ टिप्स : यसरी समाउन सिकौ स्टेयरिङ ह्विल

के तपाईं कार ड्राइभ गर्न सिक्दै हुनुहुन्छ ? यदि हुनुहुन्छ भने कारको स्टेयरिङ ह्विल समाउने तरिका सबैभन्दा पहिले सिक्नु आवश्यक हुन्छ । ड्राइभिङको समयमा स्टेयरिङ ह्विल समाउने सही तरिकाले अहम भूमिका खेलेको हुन्छ । जसले चालकलाई सुरक्षा प्रदान गर्न पनि मद्दत गर्छ ।

गाडी ड्राइभिङ सिक्दै गरेका अधिकांश चालकले ड्राइभिङको समयमा दुबै हातले एकदमै विपरित दिशामा स्टेयरिङ ह्विल समाएका हुन्छन् । अर्थात उनीहरुले एक छेउ र अर्को छेउमा ह्विल समातेका हुन्छन् । तर यसले गर्दा कार मोड्ने समयमा स्टेयरिङ ह्विल बढी घुमाउन सक्ने सम्भावना पनि हुन्छ । कतिपय अवस्थामा चालक परफेक्ट भइसके पछि पनि दुबै हातले स्टेयरिङ ह्विल समाउने गर्छन् । यद्यपि यो तरिका गलत हो ।

स्टेयरिङ ह्विलमा नब अर्थात स्टेयरिङ ह्यान्डल जडान गर्नु पनि गलत तरिका हो । जसको मद्दतले एउटै हातले स्टेयरिङ मोड्न सकिन्छ । यद्यपि यो तरिका प्रो–ड्राइभरको लागि राम्रो विकल्प हो । तर, नयाँ चालकको लागि स्टेयरिङ ह्यान्डलले दुर्घटना पार्न सक्ने सम्भावना बढी हुन्छ ।

यदि तपाईं कार चलाउन सिक्दै हुनुहुन्छ भने जहिले पनि स्टेयरिङ तलबाट हातले समाउनु पर्छ । यो नै स्टेयरिङ समाउने सही तरिका हो । यसले गर्दा शिकारु चालकले कहिल्यै पनि आवश्यकता भन्दा बढी स्टेयरिङ घुमाउँदैनन् र स्टेबल ड्राइभिङ गर्न सकिन्छ । सो तरिकालाई पछ्याउँदा कारलाई सही तरिकाले नियन्त्रण गर्न सकिन्छ ।