निषेधाज्ञामा बाइक घरैमा थन्किएको अवस्थामा बिग्रिन सक्छ स्पार्क प्लग, यसरी गरौ सफा

कोरोना भाइरसको महामारीको कारणले गर्दा निषेधाज्ञाको स्थिति पैदा भएको छ । यस्तो बेलामा बाइक घरमा राख्दा राख्दै बाइकमा समस्या आउने खतरा रहन्छ । धेरै दिनसम्म बाइक नचलाई राख्दा बाइक स्टार्ट गर्न गाह्रो हुन्छ ।

यसको मुख्य कारण बाइकको ब्याट्री डाउन हुनु हो । बाइकको ब्याट्री डाउन हुनुका साथै अन्य कारणले पनि बाइक स्टार्ट गर्न गाह्रो हुन्छ । यसको लागि घरमै केही उपाय अपनाउन सकिन्छ ।

बाइकमा हुने स्पार्क प्लग महत्वपुर्ण हिस्सा हो । सो प्लग समय समयमा जाँच गरिरहनु पर्छ । बाइकलाई लामो समयसम्म त्यतिकै राख्दा उक्त प्लगबाट स्पार्क निस्कन बन्द हुन्छ । जसको कारणले गर्दा बाइक स्टार्ट हुन समय लाग्छ वा स्टार्ट हुँदैन ।

यदि बाइक स्टार्ट नभएमा स्पार्क प्लगमा जम्मा भएको फोहोरलाई सफा गर्नुपर्छ । सो समस्यालाई घरमा पनि ठिक गर्न सकिन्छ । यसको लागि बाइकमा रहेको मिनी टुल किटको मद्दतले स्पार्क प्लग खोल्नु पर्छ । त्यसपछि त्यहाँ जम्मा भएको फोहोरलाई पेट्रोलको मद्दतले सावधानीपूर्वक धुनुहोस् । सफा गरिसके पछि स्पार्कलाई पुन लगाउनुहोस् र किकको मद्दतले बाइक स्टार्ट गर्नुहोस् ।

लकडाउनमा स्पार्क प्लग खराब हुने हुँदा घरमा नै अतिरिक्त स्पार्क प्लग राख्नु उचित हुन्छ । केही कारणवंश स्पार्क प्लग खराब भएमा वर्कसपमा नगई आफैले सो स्पार्क प्लग परिवर्तन गर्न सकिन्छ । यसको लागि केही टुल हुनु अति जरुरी छ । साधारण प्रक्रियाबाट बाइकको स्पार्क प्लग परिवर्तन गर्न सकिन्छ ।