होन्डा, हुन्डाई र स्कोडाले नयाँ सेडान ल्याउँदै, यस्तो हुनेछ पावर र पर्फमेन्स

होन्डा, हुन्डाई र स्कोडाले भारतीय बजारलाई लक्षित गरी नयाँ सेडान ल्याउने भएका छन् । बजारमा एसयुभी सेग्मेन्टका गाडीको दवदवा कायमै रहेको अवस्थामा यी तीन कम्पनीले भने सेडान कार ल्याउन लागेका हुन् । यी कार यसै वर्षको अन्तयसम्ममा लन्च भइसक्ने जनाइएको छ । भारतमा बिक्री शुरु भएपछि यी कार नेपाली बजारमा समेत आउनेछन् ।

जापजिन अटो निर्माता होन्डाले अवको केही हप्तापछि आफ्नो लोकप्रिय सेडान सिटी को फेसलिफ्ट लन्च गर्ने तयारी थालेको छ । होन्डाले यो नयाँ मोडलको फ्रन्ट फेसियामा नयाँ पन दिएको छ । साथै यसको ग्रिल र वम्पर तथा एलोई ह्विल नयाँ हुने जनाइएको छ । यसको पावरट्रेन र मेकानिकल पक्षमा भने कुनै परिवर्तन गरिने छैन । यो नयाँ कार १.५ लिटर पेट्रोल र स्ट्रङ हाइव्रिडमा उपलब्ध हुनेछ । यो कार ६ स्पिड म्यानुअल, सिभिटी र ई–सिभीटी ट्रान्समिनमा उपलब्ध हुनेछ ।

कोरियन अटो निर्माता हुन्डाइले नयाँ जेनेरेशन भर्नाको वुकिङ खुल्ला गरेर छिट्टै लन्च हुने जनाउँ दिइसकेको छ । नयाँ भर्ना इएक्स, एस एसएक्स र एसएक्स(ओ) गरी कुल चार भेरिएन्टमा उपलब्ध हुनेछ । यो नयाँ कारमा १.५ लिटर क्षमताको नयाँ टर्वो पेट्रोल इन्जिन जडान हुनेछ । जसको अधिकतम पावर १६० पिएस र टर्क २५० एनएम रहने दावी गरिएको छ । नयाँ भर्नाको एक्सटेरिय र इन्टेरियरमा हुन्डाईले व्यापक परिमार्जन गरेको छ । यो कार ६ स्पिड म्यानुअल र ७ स्पिड डिसिटी ट्रान्समिसनमा उपलब्ध हुनेछ ।

यसैगरी चेक रिपव्लिकन अटो निर्माता स्कोडाले पनि यसै वर्षको अन्त्यसम्ममा अक्टाभियाको हाइव्रिड भर्सन उतार्ने तयारी गरिरहेको छ । यो नयाँ कारलाई स्कोडाले आरएस आईभी नाम दिएको छ । रेगुलर अक्टाभियाको इन्टेरियर र एक्सटेरियरमा प्रशस्तै अपडेट भएर आउन लागेको यसमा १.४ लिटर फोर सिलिन्डर टिएसआई इन्जिन जडान हुनेछ । यो कारको पावर २४५ एचपी र टर्क ४०० एनएम रहने जनाइएको छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...