२०७७ चैत ३० सोमबार,

किन थ्री सिलिन्डर इन्जिनको चलन बढि रहेको छ ? यसको फाइदा र बेफाइदा के छ ?

Post adv

हाल बजारमा थ्री सिलिन्डर इन्जिनको क्रेज बढी रहेको छ । सबैलाई थ्री सिलिन्डरको बारेमा उत्सुक्ता जाग्न सक्छ । अल्टो र हुन्डाई इयोन जस्ता इन्ट्रि लेवल कारमा ३ सिलिन्डर इन्जिन प्रयोग गर्ने गरिएकोमा अहिले भने बजारमा ३ सिलिन्डर इन्जिन हरेक कारमा देख्न सकिन्छ, चाहे इन्ट्रि लेवल कार होस् या बीएमडब्ल्यु जस्ता प्रिमियम कार । 

सबै इन्जिनको कार्य फोर स्ट्रोक प्रिन्सिपलमा आधारित
सबैभन्दा पहिला इन्जिनले कसरी कार्य गर्छ भन्ने बुझ्नु पर्छ । इन्जिनले फोर स्ट्रोक प्रिन्सिपलमा काम गरेको हुन्छ । इन्जिनमा सिलिन्डर हुन्छ र हरेक एक सिलिन्डरमा ४ स्ट्रोक प्रोसेस हुन्छ । पिस्टन तलबाट माथि र माथिबाट तल जानुलाई स्ट्रोक भनिन्छ । पहिलो स्ट्रोकमा सिलिन्डर भित्र एयर र फ्युलको मिक्सचर आएको हुन्छ । दोस्रो स्ट्रोकमा यसलाई कम्प्रेस गरेको हुन्छ । तेस्रो स्ट्रोकमा कम्प्रेस्ड एयरमा स्पार्क प्लगको मदतले आगो लगाइएको हुन्छ । चौथो स्ट्रोकमा आगो लाग्नुको कारणले पावर जेनेरेट गर्छ । यसले पिस्टन तल जान्छ र क्र्यांकशाफ्ट घुमाउँछ । यही तागतले गाडीलाई घुमाउने काम गर्छ ।

सबै कारमा फोर स्ट्रोक प्रोसेस
इन्जिन चाहे ३ सिलिन्डरको होस या ४ सिलिन्डर या ६/८/१२ सिलिन्डर या कुनै पनि कन्फिग्रेसनको होस, हरेक सिलिन्डरमा ४ स्ट्रोक प्रोसेस हुन्छ । अर्थात् सबैमा फायरिङ हुन्छ । फायरिङ अर्थात् ३ स्ट्रोकमा स्पार्क प्लग, एयर र फ्युलको मिश्रणमा जुन आगो लागेको हुन्छ, सो आगो लगाउने प्रोसेसलाई नै फायरिङ भनिन्छ । सो प्रोसेस लगातार चलिरहेको हुन्छ ताकि लगातार पावर जेनेरेट भइरहोस् ।

हरेक सिलिन्डरमा एक साथ फायरिङ गर्न सकिदैन होइन भने इन्जिनमा हानी पुग्न सक्छ । हरेक सिलिन्डरमा फायरिङको लागि अलग टाइम सेट गर्नु पर्छ । उदाहरणको लागि यदि फोर सिलिन्डर इन्जिनमा कुनै एक सिलिन्डरमा फायरिङ गर्नको लागि एक फायरिङ इन्टरवल दिनु पर्छ ।

फायरिङ इन्टरवलको फर्मूला, ७२०/ सिलिन्डर
१. फोर सिलिन्डर इन्जिनको लागि ७२०/४ वा १८० डिग्री
जब क्र्यांकशाफ्ट १८० डिग्री घुम्दा एक सिलिन्डरमा फायरिङ हुनु पर्छ । साथै हरेक १८० डिग्रीमा अलग अलग सिलिन्डरमा फायरिङ हुनु पर्छ ।

२. थ्री सिलिन्डर इन्जिनको लागि, ७२०/३, २४० डिग्री
क्र्यांकशाफ्ट २४० डिग्री घुम्दा कुनै एक सिलिन्डरमा फायरिङ हुन्छ । पुनः २४० डिग्री घुम्दा दोस्रो सिलिन्डरमा फायरिङ हुन्छ । अलग अलग कम्पनी अनुसार कुन सिलिन्डरमा पहिला फायरिङ हुन्छ र यसको क्रम के हुन्छ भन्ने तय गरेको हुन्छ । ३ सिलिन्डर इन्जिनको लागि कुनै कम्पनी १, २, ३ हुन्छ भने कुनै कम्पनीले १, ३, २ तरिकाले राखेको हुन्छ ।

थ्री सिलिन्डर इन्जिनमा हानी
३ सिलिन्डर भएको कारणले गर्दा यसको पावरमा कमी पनि रहेको हुन्छ । जति धेरै सिलिन्डर हुन्छ त्यति नै बढी पावर जेनेरेट गर्छ । ३ सिलिन्डर इन्जिनमा पावर कम रहेको हुन्छ । पावर बढाउनका लागि केही कम्पनीले टर्बाे चार्जरको प्रयोग गरेको हुन्छ ।

Advertise Eleven Advertise Ten Advertise Nine

४ सिलिन्डर इन्जिनमा क्र्यांकशाफ्टको हरेक १८० डिग्री घुम्दा फायरिङ हुन्छ । ३ सिलिन्डर इन्जिनमा क्र्यांकशाफ्टको २४० डिग्री घुम्दा फायरिङ हुन्छ । यसको अर्थ पावर डेलिभरीमा केही समय लाग्छ ।

जति धेरै सिलिन्डर हुन्छ, त्यसलाई क्र्यांकशाफ्टबाट ब्यालेन्स गर्न सजिलो हुन्छ । ३ सिलिन्डर इन्जिनमा क्र्यांकशाफ्टमा ३ सिलिन्डर जोडिएको हुन्छ । यसमा ब्यालेन्समा थोरै समस्या हुन्छ । ब्यालेन्सको कारणले गर्दा इन्जिनमा भाइब्रेशन हुन्छ ।

थ्री सिलिन्डर इन्जिनमा फाइदा
जति कम सिलिन्डर हुन्छ त्यति नै इन्जिनको तौल कम हुन्छ । जसले गर्दा एउटा कुनै ब्राण्डलाई समग्र तौल बचत गर्न मदत पुग्छ । यसले माइलेज पनि बढी हुन्छ ।

टर्बाे चार्ज प्रविधिबाट सानो इन्जिनको परफर्मेन्स पनि बढाउन सकिन्छ । यसले इन्जिन सानो पनि हुन्छ, माइलेज पनि बढ्ने र परफर्मेन्स पनि बढी हुन्छ । त्यसैले कार निर्माता कम्पनीहरुले हाल टर्बाे चाज्र्ड इन्जिनको प्रयोग बढाइरहेका छन् ।

 

Post adv

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...