टेस्लालाई आच्छु आच्छु पार्दै यी चिनियाँ कार निर्माता कम्पनी

चिनियाँ कार निर्माता कम्पनीहरु विशेष गरी इलेक्ट्रिक भेइकल उत्पादनमा विश्व बजारमा तीव्र रूपमा अग्रणी हुँदै गइरहेका छन् । चिनिया कम्पनीले उच्च-गुणस्तरीय प्रविधि, किफायती उत्पादन र एड्भान्स डिजाइनको माध्यमबाट आफ्नो पहिचान स्थापित गरेका छन् ।

चिनियाँ कार निर्माता कम्पनीहरु टेस्ला लगायत परम्परागत गाडी निर्माता कम्पनीका लागि कडा चुनौती बनिरहेका छन् । ईभी बजारमा चीनको प्रभावशाली उपस्थिति आगामी दिनमा अझ विस्तार हुने सम्भावना छ । यसको लागि चीनले सब्सिडी र कर छुट लगायत ईभी चार्जिङ स्टेसनको विस्तारमा विशेष ध्यान दिइरहेको छ ।

यो मामिलामा सबैभन्दा अग्रस्थानमा बीवाईडी छ । बीवाईडीले बिक्रीका आधारमा विश्व बजारमै टेस्लासँग प्रतिस्पर्धा गरिरहेको छ । बीवाईडी बाहेक अन्य कार कम्पनी समेत निरन्तर रुपमा अगाडि बढिरहेका छन् ।

जिली : जिली चीनको मुख्य कार निर्माता कम्पनी मध्ये एक हो । सो कम्पनीमा भल्भो, पोलस्टार र लोटस जस्ता ब्रान्डको स्वामित्व रहेको छ ।

नियो : नियो चीनमा चाइनिज टेस्लाको नामले प्रसिद्ध छ । यसको ईटी७ र ईएस६, टेक्नोलोजी र परफर्मेन्समा टेस्लासँग प्रतिस्पर्धा गर्छ ।

एक्सपेङ मोटर्स : एक्सपेङ मोटर्सले हाईटेक अटोनोमस ड्राइभिङ र स्मार्ट फिचर भएको इलेक्ट्रिक कार निर्माण गर्छ । अमेरिकामा टेस्ला मोडल ३ को तुलनामा एक्सपेङ पी७ कार निकै लोकप्रिय छ ।

ग्रेटवाल मोटर्स : यो कम्पनी एसयूभी र पिकअप ट्रकको लागि निकै प्रसिद्ध छ । यसको ओरा ब्राण्डबाट निर्मित कार युवामाझ लोकप्रिय छ ।

एसएआईसी मोटर्स कर्पोरेसन : एसएआईसी चीनको सबैभन्दा ठुलो कार निर्माता कम्पनी हो । एमजी मोटर र रोवी यसको प्रमुख ब्राण्ड हो । यसको एमजी कमेट ईभी, एमजी जेडएस ईभी लगायका कार नेपालमा समेत उपलब्ध छन् ।