६ एयरब्यागसहित सिट्रोन बसाल्ट लन्च, टाटा कर्भसँग प्रतिस्पर्धा गर्ने

सिट्रोनले आफ्नो पहिलो एसयूभी कुपे स्टाइल कार बसाल्ट भारतीय बजारमा लन्च गरेको छ। कारमा ६ वटा एयरब्यागसहित अत्याधुनिक सेफ्टी फिचर उपलब्ध छ । सो कार ६ वटा भेरिएन्टमा ल्याइएको छ ।

बसाल्ट सीएमपी प्लेटफर्ममा विकसित गरिएको छ । कारको लुक सी३ र सी३ एयरक्रसबाट प्रेरित छ । यसको अगाडि क्रोम फिनिश स्प्लिट ग्रिल र भी आकारको स्प्लिट हेडल्याम्प सेटअप दिइएको छ । यसमा हलोजन युनिटको सट्टा प्रोजेक्टर हेडल्याम्प उपलब्ध छ । साइड प्रोफाइलमा स्लोपिङ रुफलाइन, स्क्वायर ह्विल आर्च, साइड बडी क्ल्याडिङ र ड्युअल टोन अलोय ह्विलले सुसज्जित छ । यसको साइड प्रोफाइलको हाइट बढाइएको छ ।

बसाल्टको क्याबिन र ड्यासबोर्ड सी३ एयरक्रस जस्तै छ । यसमा ड्युअल डिजिटल डिस्प्ले छ र कारमा सेतो लेदरको अपहोल्स्ट्री दिइएको छ । बासाल्टको पछाडिको सिट ८७ एमएमसम्म सार्न सकिन्छ । बसाल्ट एसयूभी कुपेमा १०.२ इन्चको टचस्क्रिन इन्फोटेनमेन्ट सिस्टम र ७ इन्चको डिजिटल ड्राइभर डिस्प्ले छ । साथै अटोमेटिक क्लाइमेट कन्ट्रोल, क्रुज कन्ट्रोल, पुस बटन स्टार्ट/स्टप, कीलेस इन्ट्री र वायरलेस फोन चार्जिङ जस्ता फिचर पनि उपलब्ध गराइएको छ ।

सेफ्टीका लागि यसमा ६ वटा एयरब्याग, इलेक्ट्रोनिक स्टेबिलिटी कन्ट्रोल, रियर पार्किङ रुम र टायर प्रेसर मोनिटरिङ सिस्टम जस्ता फिचर उपलब्ध गराइएको छ ।

बसाल्टमा २ वटा इन्जिनको विकल्प रहेको छ । यसमा १.२ लिटर टर्बो पेट्रोल इन्जिनले ११० एचपीको पावर र २०५ एनएमको टर्क जेनेरेट गर्छ । सो इन्जिनमा ६ स्पिड म्यानुअल र ६ स्पिड टर्क कन्भर्टर अटोमेटिक गियरबक्स दिइएको छ ।

यसको दोस्रो १.२ लिटर प्राकृतिक एस्पिरेटेड पेट्रोल इन्जिनले ८२ एचपी पावर र ११५ एनएमको टर्क जेनेरेट गर्छ । ट्रान्समिसनका लागि यसलाई ५ स्पिड म्यानुअल गियरबक्ससँग ट्युन गरिएको छ । यो इन्जिनले १८ किलोमिटर माइलेज दिन्छ । साथै टर्बो इन्जिनले ६ स्पिड एमटीसँग १९.५ किलोमिटर र ६ स्पिड एटीसँग १८.७ किलोमिटर माइलेज दिन्छ ।

सिट्रोन बसाल्टको बुकिङ सुरु भइसकेको छ । सो एसयूभीले आगामी टाटा कर्भ, हुन्डाई क्रेटा, किया सेल्टोस, फक्सवागन टाइगुन, मारुती ग्रान्ड भिटारा, टोयोटा हाइराइडर, स्कोडा कुशाक र होन्डा एलिभेटसँग प्रतिस्पर्धा गर्नेछ।