नयाँ फ्लाइङ कारको परीक्षण, ८२०० फुटको उचाईमा १००० किलोमिटरको उडान

जमिन र हावामा उड्ने एयरकारले स्लोभाकियाको अन्तर्राष्ट्रिय हवाईअड्डा नाइट्रा र ब्रातिस्लाभाको बीचमा ३५ मिनेटको सफल परीक्षण गरेको छ । एयरकार निर्माता कम्पनी क्लेन भिजनले सो एयरकार अवतरण पछि ३ मिनेट भित्र कारमा परिणत गर्न सक्ने जानकारी दिइएको छ । परीक्षणको समयमा सो एयरकारलाई यसको आविष्कारक प्रोफेसर स्टिफन क्लाइनले उडाएका थिए ।

क्लेन भिजनका संस्थापक र सीईओ स्टिफन क्लेनले सो एयरकार एयरपोर्टमा अवतरण गरेपछि यसलाई सामान्य कार जस्तै दौडाएका थिए । क्लेन भिजनको सो हाइब्रिड कार–एयरक्राफ्ट, एयरकारमा बीएमडब्ल्यू इन्जिन समावेश गरिएको छ र यो पेट्रोलबाट चल्छ । सो कारलाई विमान बन्न २ मिनेट र त्यसपछि उडान भर्नको लागि १५ सेकेन्डको समय लाग्छ ।

सो एयरकार १९० किलोमिटर प्रतिघण्टाको गतिमा गुड्ने क्षमता रहेको छ । कम्पनीका अनुसार सो हाइब्रिड फ्लाइङ कार फिक्स्ड प्रोपेलर सिस्टमको साथमा ८,२०० फिटको उचाईमा १००० किलोमिटरको दूरी तय गर्न क्षमता रहेको छ ।

सिंगल फ्युल ट्यांक टप अपमा यसको गति ३०० किलोमिटर प्रतिघण्टा र फुल ट्यांकमा हावामा १,००० किलोमिटर दुरी तय गर्ने क्षमता रहेको छ । यस कारले हालसम्म १४० भन्दा बढी परीक्षण उडानहरूमा ४० घण्टा हावामा उडाइएको थियो । सो कारले ४५ डिग्रीको तीव्र मोड लिन सक्ने भइसकेको छ । परीक्षणको क्रममा सो कार १७० किलोमिटर प्रतिघण्टाको गति समातेको थियो ।

सो एयरकारमा २०० किलोग्रामको संयुक्त वजनको दुईजना व्यक्ति बस्न सक्छन् । सो एयरकारमा ३०० एचपीको इन्जिन समावेश गरिनेछ । यसको लागि एम १ परमिटको साथमा ईएएसए सीएस २३ एयरक्राफ्ट सर्टिफिकेट पाइसकेको छ ।