टेस्लाको यो इलेक्ट्रिक कार बिक्रीमा संसारकै नम्बर १

टेस्लाले इलेक्ट्रिक कारको बिक्रीमा इतिहास रचेको छ । सन् २०२३ मा सबैभन्दा धेरै बिक्री हुने ५० कारको सूचीमा टेस्ला मोडल वाईले शीर्ष स्थान हासिल गरेको छ । इतिहासमा पहिलो पटक इलेक्ट्रिक कार बिक्रीमा शीर्ष स्थानमा आएको छ ।

सो वर्ष टेस्ला मोडल वाईले कुल १२ लाख २३ हजार युनिट कार बिक्री गरेको थियो । बिक्रीको यो सूचीमा टोयोटा -याभ४ ले १० लाख ७५ हजार युनिट कार बिक्री गरी दोस्रो स्थानमा रहेको थियो ।

बिक्रीको यो सूचीमा होन्डा सीआर-भी तेस्रो स्थानमा थियो। होन्डा कारले गत वर्ष कुल ८ लाख ४६ हजार युनिट कार बिक्री गरेको थियो । टोयोटा कोरोला सेडान बिक्रीको यो सूचीमा चौथो नम्बरमा थियो। टोयोटाको यो कार कुल ८ लाख ३ हजार युनिट बिक्री गरेको थियो ।

यो सँगै टोयोटा कोरोला क्रस बिक्रीको यो सूचीमा पाँचौं स्थानमा थियो । यो कार ७ लाख १६ हजार युनिट बिक्री गरेको थियो । यो सूचीमा टोयोटा क्याम्री छैटौं स्थानमा थियो । टोयोटा क्याम्रीले गत वर्ष कुल ६ लाख ५१ हजार युनिट कार बिक्री गरेको थियो।

फोर्ड एफ १५० बिक्रीको यो सूचीमा सातौं स्थानमा थियो। सो एसयूभी यस अवधिमा कुल ६ लाख २४ हजार युनिट कार बिक्री गरेको थियो। यो सूचीमा टोयोटा हिलक्स आठौं नम्बरमा थियो। टोयोटा हिलक्सले यस अवधिमा कुल ६ लाख ५ हजार युनिट कार बिक्री गरेको थियो ।

निसान सेन्ट्राले यस वर्ष ५ लाख ३४ हजार युनिट कार बिक्री गरी नवौं नम्बरमा थियो । टेस्ला मोडल ३ बिक्रीको यो सूचीमा दशौं स्थानमा थियो। टेस्ला मोडल ३ ले यस अवधिमा कुल ५ लाख ९ हजार युनिट कार बिक्री गरेको थियो।