अनुमान गरेभन्दा ५० प्रतिशतले बढेर आयो टेस्ला साइबरट्रक

काठमाडौं– टेस्लाले आफ्नो बहुप्रतिक्षित साइबरट्रक उपभोक्तालाई हस्तान्तरण गर्न सुरु गरेको छ । टेस्लाले साइबरट्रकको मूल्य ६० हजार ९ सय ९० डलर तोकेको छ ।

टेस्ला सीईओ एलन मस्कले २०१९ मा साइबरट्रकको प्रोटोटाइप सार्वजनिक गर्दा भनेको अनुमानित मूल्यभन्दा ५० प्रतिशत बढी वास्तविक मूल्य तय भएको छ । २०१९ मा मस्कले साइबरट्रकको मूल्य ४० हजार डलरबाट सुरु हुने बताएका थिए ।

साइबरट्रकले एक पटकको फुल चार्जमा ५ सय ४७ किलोमिटर रेन्ज दिने दाबी गरिएको छ । यसमा ब्याट्री थपेर रेन्ज बढाउँदा ८ सय किलोमिटरसम्म बनाउन सकिनेछ । २०२५ सम्म वार्षिक २ लाख ५० हजारवटासम्म साइबरट्रक उत्पादन हुने टेस्लाको भनाई छ ।