टीडीएस मोटर -याली तथा अटो जिमखाना हुँदै, विजेताले २ लाख नगद पुरस्कार पाउने

काठमाडौं–बागमती अटो जिमखाना तथा टीडीएस मोटर र्याली आयोजना हुने भएको छ । असार १४ गते बागमती अटोमोबाइल्स एसोसिएसनको आयोजना र माेटोभर्स स्पोर्टस् क्लव तथा जियोन ओभरल्याण्डको व्यवस्थापनमा र्याली हुन लागेको हो ।

सो मोटर र्याली तथा अटो–जिखानामा कुल ३२ गाडी सहित ७७ जना खेलाडी (ड्राईभर्स) कोे सहभागिता रहनेछ । जहाँ १८ जना दक्ष मार्शल परिचालित हुनेछन् ।
बागमती प्रदेश प्रदेश खेलकुद विकास परिषद्को आर्थिक सहयोग रहने सो र्याली ग्वार्कोस्थित रोयल टुलिप होटलबाट शुरु भई लुभु, लाकुरी भञ्ज्याङ, कुशादेवी–पनौती हुँदै बनेपास्थित चण्डेश्वरी ड्राइभिङ स्कुलमा पुगी सम्पन हुने बताइएको छ ।

टीडीएस सिस्टममा हुने सो र्यालीपश्चात् सोही ड्राइभिङ स्कुलमा पहिलो बागमती अटो जिमखाना आयोजना गरिने छ, जसका लागि आकर्षक अस्थायी सर्किट निर्माण गरिने छ । प्रतिस्पर्धामा आधारित साे प्रतियोगिताका विजेताले २ लाख रुपैयाँ नगद पुरस्कार, शिल्ड, प्रमाणपत्र, गिफ्ट हयाम्पर पाउनेछन् ।

साथै उनीहरु एसियन अटो जिमखानाको लागी चयन समेत हुनेछन् । प्रतियोगितामा ५ जना भन्दा बढि महिला ड्राइभर सहभागी भएमा वेस्ट फिमेल ड्राइभर्स अवार्ड समेत प्रदान गरिनेछ ।

उपत्यकाकै आकर्षक र्याली रुटमा आयोजना हुने तथा नेपालकै आकर्षक र भब्य ड्राइभिङ सेन्टरमा पहिलोपटक हुन गैरहेको प्रतियोगितामा सहभागी हुन दर्ता शुल्क वापत ५ हजार रुपैयाँ भुक्तानी गनुपर्ने आयोजक संस्थाले जनाएको छ । यसैगरी, एउटामात्रै इभेन्टका लागि भने ३ हजार रुपैयाँ तिर्नुपर्ने छ ।