टाटा टिगोर इलेक्ट्रिक कार लन्च हुने तयारी, नेक्सन ईभीको फिचर समावेश हुने

टाटा मोटर्सले चाँडै नै टाटा टिगोर ईभीको रिभाइज्ड इलेक्ट्रिक भेरिएन्ट टाटा टिगोर इलेक्ट्रिक लन्च गर्ने भएको छ । यसको वारेमा केही जानकारी सार्वजनिक भएको छ ।

रिपोर्ट अनुसार सो कारमा टाटा नेक्सन ईभीमा जस्तै जिपट्रोन पावरट्रेन समावेश गरिने छ । जसले गर्दा सो कारको ब्याट्री रेन्ज निकै पावरफुल हुनेछ । टाटा मोटर्सले २०१९ मा टिगोर ईभी लन्च गरेको थियो । सो कार सरकारी अधिकारी र फिल्ट बायर्सको लागि उपलब्ध गराइएको थियो । यद्यपि टाटा टिगोर ईभीको पुरानो मोडलको ब्याट्री रेन्ज र परफर्मेन्स खासै राम्रो थिएन ।

अब टाटा टिगोर ईभीमा नेक्सन ईभीमा जस्तै जिपट्रोन पावरट्रेन देख्न सकिने छ । जसमा ३०० भन्दा पनि बढी भोल्टको इलेक्ट्रिक मोटर समावेश गरिने छ । सो कारमा ३०.२ केडब्ल्युएचको ब्याट्री समावेश गर्नेछ । सो ब्याट्रीले सिंगल चार्जमा २५० किलोमिटर देखि ३०० किलोमिटरको रेन्ज प्रदान गर्छ ।

टाटा टिगोरको इलेक्ट्रिक मोटरले १२० बीएचपीको पावर र २४० एनएमको टर्क जेनेरेट गर्ने क्षमताको रहेको छ । सो कारको टप स्पिड १०० किलोमिटर प्रतिघन्टा रहेको छ । फास्ट चार्जिङको मदतले यसको ब्याट्री १ घन्टामा ८० प्रतिशतसम्म चार्ज गर्न सकिन्छ ।

टाटा टिगोरको मूल्य सम्भवतः १० लाख देखि १२ लाख भारु हुने अनुमान गरिएको छ ।